親子Blogger 以大自然為師 囝囝2歲首次行山

「家長別太緊張 要放手比佢自己行 」

香港教育一向被批為「填鴨式」,家長們為了讓小朋友嬴在起跑線,課餘會安排一系列補習班、興趣班比小朋友,務求達成理想的學習目標。然而,在云云的怪獸家長當中,也有不少家長認為書本學習固然需要,但親身體驗方為最重要! 好似今次訪問嘅主角Megan,她主張以大自然為師,其囝囝「魚子醬」2歲時已首次行山,如今近8歲大人仔已行過無數山頭! 究竟親子行山對小朋友有咩好處? 行山期間放手與協助之間點樣取得平衝? 香港又有咩親子行山路線呢? 今次搵嚟Megan一一細說!

家長別太緊張 要放手比佢自己行
家長別太緊張 要放手比佢自己行
家長別太緊張 要放手比佢自己行
家長別太緊張 要放手比佢自己行

行山係一堂體驗課

深知香港教育制度有不足之處,Megan坦言: 「既然無能力移民或讀國際學校,不如自己尋找一個喘息空間! 」因此「魚子醬」100日大個陣,Megan已讓他第一次接觸沙灘、草、沙等多感官體驗,2歲已首次行山! 「每個小朋友嘅成長速度都唔同,當你覺得佢成日走唔停,意味住佢地可以開始嘗試行山。除了比佢地放電,亦可親身體驗書本或課堂認識到嘅野,好似蝴蝶破繭過程,竹節虫同課本上嘅照片有咩唔同等,同時可以趁機教小朋友珍惜大自然,一舉幾得! 」

行山係一堂體驗課
行山係一堂體驗課
行山係一堂體驗課
行山係一堂體驗課

多元化路線 感受行山樂趣

事實上,香港好多小朋友只願在家打機或去樂園,覺得行山係一項苦差! Megan說: 「要令小朋友覺得行山有樂趣! 我會比囝囝親手準備背囊中的零食,行到某一個Check Point就可以食一樣,比啲甜頭佢! 另外,可選多元化嘅路線,好似河背水塘路線,既可去有機農場飲仙人掌汁,又可到家樂徑睇下媲美京都嵐山嘅竹林,亦可在水邊玩水,唔只係一味行咁悶,尤如Day Trip一樣,增加趣味性! 」

多元化路線 感受行山樂趣
多元化路線 感受行山樂趣
多元化路線 感受行山樂趣
多元化路線 感受行山樂趣

家長別過於緊張

行山過程中,好多家長都會緊張大師上身,怕小朋友差錯腳出意外,Megan表示:「其實小朋友重心低,平衡力比成人好得多,係安全情況下家長應適時放手比小朋友自己行,比佢先嘗試,即使跌倒也要自己起身,吸取教訓後自然會學精! 當然家長也可以按照地形注意自己嘅走位,好似上山溜後,落山行前,以策安全! 」Megan亦建議家長可帶定迷你急救包,即使大人細路受傷都可即時處理傷口。

出發前要做足資料搜集

自從「魚子醬」正式成為小學生,功課量多了,行山時候相對減少!「返幼稚園個陣,早上返學,下午就去行山,而家得返星期六日放假,一個月都會行到2-3次!」行山無數嘅佢地會盡量避開IG打卡熱點,挑選一些較小眾嘅路線,但出發前必須做足資料搜集,例如中途有沒有退出點、有沒有休息站等,以策安全。今次就請Megan為大家精選3條難度各異嘅路線,比大家對號入座啦!

3大親子路線推介

河背水塘

▸ 簡介:河背水塘係全港唯一設環塘徑嘅灌溉水塘,以平路為主,輕鬆易行,內有竹林、S型堤壩等美麗風景,活動亦多元化,適合初次親子行山。大家亦可到青協有機農莊,試試其仙人掌汁及小食,走入農棚摘菜、參加工作坊或親親陸龜,小朋友實鍾意!

▸ 需時:約3小時

▸ 路線:大欖隧道轉車站➢ 村公所➢ 河背營地➢青協有機農莊➢河背水塘➢家樂徑➢竹林➢沿路折返至大欖轉車站

▸ 難度:★☆☆☆☆

▸ 風景:★★★★☆

▸ 交通:從大欖隧道轉車站坐小巴至村公所下車

河背水塘
河背水塘
多元化路線 感受行山樂趣
多元化路線 感受行山樂趣

西高山

▸ 簡介:西高山高494米,為港島區第4高山峰,山頂座擁360度美景,可望到維港西部、西九龍、昂船洲大橋,其觀景台前新建了一個日期木牌,係個打卡嘅好位置,但要留意上山路段均為樓梯,約有500-600級樓梯,登山途中不妨到西高郊遊區嘅健身設施稍作停留同補給。

▸ 需時:來回約1.5小時

▸ 路線:凌霄閣 ➢ 盧吉道 ➢ 西高山➢ 夏力道 ➢山頂廣場

▸ 難度:★★☆☆☆

▸ 風景:★★★★☆

▸ 交通:從金鐘坐纜車到山頂,於凌霄閣旁的盧吉道起步

▸ 詳情:按這裡

西高山
西高山
西高山
西高山

丫髻山

▸ 簡介:丫髻山只有高121米,路程短,山上視野極廣,一望無際,前方有米埔濕地、接著係尖鼻咀與深圳景色,右方係元朗橫州工業區、元朗市,而另一方係天水圍新市鎮嘅全景,係睇日落嘅好地方。不過要注意路線以沙地為主,有時需要手腳並用。至於豐樂圍魚塘,每年5及10月多個荒廢嘅魚塘都開滿鳳眼藍,上山前值得前往觀賞!

▸ 需時:來回約2小時

▸ 路線:開心廣場➢盛屋村➢豐樂圍➢丫髻山山頂➢蝦尾新村➢天水圍西鐵站

▸ 難度:★★★☆☆

▸ 風景:★★★☆☆

▸ 交通:元朗開心廣場後方的小巴總站,乘搭74小巴往盛屋村

▸ 詳情:按這裡

丫髻山
丫髻山
丫髻山
丫髻山

Megan Wong

既是全職媽媽,亦是親子Blogger。堅信『以大自然為師』的成長理念,閒來執筆分享任何一個角落的親子好去處。Facebook粉絲專頁擁有八千多個Followers,不時為報章供稿,亦曾在傳媒訪談中分享小孩與大自然的互動,享受Work-Life Balance。

Facebook: https://www.facebook.com/xavi.hk/

Blogspot : http://www.megansoso.com/