雅虎香港新聞 親熱搭膊頭兼代抹香汗 Anson Lo： 「我個人咪係禮物！」欣宜紅館騷 到爆
【星島日報報道】一連三場「Between Us鄭欣宜演唱會」前晚在紅館開鑼，當晚欣宜驚喜邀得「教主」盧瀚霆（Anson Lo）做表演嘉賓，合唱時教主搭 欣宜膊頭，又親自為她抹汗，更以甜言蜜語 爆欣宜，引全場尖叫連連。至於ERROR則全員為Encore時壓軸表演，大放笑彈 得欣宜笑呵呵。 文：娛樂組
鄭欣宜（欣宜）紅館騷前晚開鑼，圈中好友蔡一智與太太、蔡一傑、廖碧兒、陳淑芬與兒子陳家豪、GinLee、ANSONBEAN、軟骨BEN等齊捧場。雖是第二次在紅館開騷，但卻是欣宜首次以四面台演出，難怪她表示：「開四面台，我真係有少少緊張，因為我係零方向感！」欣宜更謂︰「四年前我已經開了第一次紅館演唱會，但唔知點解，今次感覺好似係第一次咁，可能因為過去這四年中，大家用了好多心機和時間去重新認識我，好多謝你們給我這個耐性。」當台下觀眾大嗌「加油」、「愛你」，令欣宜感動到眼濕濕。
「夢想真係成真」
當晚欣宜邀請了「教主」Anson Lo及ERROR做表演嘉賓，她介紹教主出場時說：「我成日發夢見到呢個人，我真係好鍾意佢，多才多藝。」兩人合唱《不可愛教主》時，Anson Lo搭 欣宜膊頭，令她害羞甜笑：「夢想真係可以成真 ！」Anson Lo又用紙巾為她抹汗，並說：「我 工作上接觸大約一年半，當我今日下午綵排，上到你這舞台時，衷心感受到你終於做到你想做 ，替你開心！雖然我無辦法經歷你過去咁多年來 事，但我作為後輩替你開心，剛才聽到你彈琴唱歌，好似同你經歷 好多 ！」欣宜聽到「後輩」一詞即笑言︰「我唔係大你好多之嘛！點解你無帶禮物送畀我 ？」Anson Lo深情說：「我個人咪就係禮物！」令欣宜 爆大叫：「喂呀，我輸啦！」
至於ERROR今次特別送上獨一無二、分別印了各成員肖像的上衣給欣宜，更命名「春夏秋冬系列」。代表春天的何啟華笑言：「春天令人諗到潮濕，你 我呢件tee就好潮，然後好濕。」令全場爆笑，欣宜作狀打他；梁業（肥仔）則說：「夏天梗係 我呢件雞翼袖，你老公（Anson Lo）新歌MV都係 雞翼袖，襯晒佢，但你照鏡就見到我！」吳保錡拍片講招牌港普、郭嘉駿（193）就自肥拍片宣傳Solo歌，非常搞笑。
■教主抹汗一刻引觀眾尖叫。
■搭膊頭一幕甜到爆。
■教主大晒 功，連欣宜都認輸。
■教主出場掀起全場高潮，欣宜更 爆告白指經常夢見對方。
■欣宜雖不是第一次開紅館騷，仍覺得緊張。
■身為表演嘉賓的Anson Lo落力唱跳。
■欣宜勁歌熱舞，台風強勁。
■初出場的露肩巨型紗裙非常搶鏡。
娛樂
