雅虎香港新聞 【觀塘美食】雞煲火鍋放題$98任食兩小時 霸氣老闆堅持絕不加價
疫情再襲未斷尾，政府再出招收緊限聚令，2人限聚令之下，不少火鍋店叫苦連天。在觀塘熟食街市1樓，開業已經3年的「權哥火鍋」也一樣，雖然前排疫情緩和時，生意有所好轉，甚至不訂位的話絕對無機會可以入座，但限聚令一出，又豈有火鍋店可以置身事外？
【立即讚好】全新 Yahoo Food Facebook 專頁
霸氣店主：堅持不加價
「我哋一開舖就係做呢個任食雞煲，一直都係呢個價，份量，食材，3年來無變過，只係加咗幾款湯底，選擇多咗。」店主陳小姐說，客人逾8成都是年輕人，「後生仔錢未必多，只係想有個食地方聚下，食下嘢，放鬆下，所以我哋唔會加價，現時仍然是不收加一。」
她坦言疫市下承受不少壓力：「最困難是限聚令，我哋做呢個價錢，以往都係做多人為主，一圍6人，8人甚至更多。而家限坐2人，室內又只可以坐一半人數，打擊好大，我哋都頂得辛苦。」她只期主疫情快快退去，令生意早日回復正常。
麻、辣比例可自選
說回雞煲，沒有將貨就價。單是湯底也有8款之多，招牌麻辣雞煲外，還有醉雞煲、鹹菜胡椒雞煲、沙嗲滑雞煲、甚至有日式壽喜燒鍋、墨魚汁海鮮雞鍋，及按時令設計的「蟲草花杞子雞鍋」。
二人份量的雞煲內有半隻雞，用美國中等size的雞，以日本濃雞湯為湯底熬3小時而成，再加不同醬料轉換口味，例如麻辣雞煲，「麻」和」辣」味也分成2種醬料，客人可以落單時自選多麻少辣，少麻多辣等，很貼心。雞煲內的雞件也切得大大件，單吃雞已經飽了一大半。
大路火鍋配料
至於任食配料都放在4層的凍櫃內，老實說種類不多，屬大路款式如肥牛、雞件、蜆仔、丸類、魚皮餃、翠玉瓜、金菇、雞蛋等，所以雞件仍然是主角。自選醬料也是麻雀雖小五臟俱全：蒜、辣椒、芫荽、蔥。趁最近有點秋意，$100/樓下嘆個足料雞煲，平靚正又錫住荷包，抵食！
全新訂座平台「Yahoo訂餐廳×Openrice」正式上線！
權哥火鍋
地址：觀塘駿業街67號駿業熟食市場1樓45及50號舖(地圖按此)
電話：54096721
更多觀塘美食推介
【觀塘美食】牛頭角tapas bar疫市簽約？店主有信心：會再擴充
【觀塘美食】茶餐廳自創外賣app？IT老闆：「疫情令外賣app變大勢所趨」
觀塘午餐推介！10間抵食精選：人氣海潮食堂+龍鳳號滷肉飯+拿督星馬菜
【觀塘美食】 IG小店轉型實體店！創意甜品Pie：大白兔奶糖布丁脆撻
