【Chill Club頒獎禮】觀眾洗版式熱捧 網民︰更勝叱咤 不過有2點需要改善
尋晚Viu TV舉辦嘅「Chill Club推介榜年度推介20/21」,喺社交平台上被觀眾瘋狂洗版,而且唔少網民都俾正評,大讚節目安排真係音樂行先,甚至話「香港樂壇被Viu搞返起」!
就連寫開財經文章嘅KOL渾水,都要爆住粗咁讚「正到xx」,仲引用網民留言話「打贏TVB就梗,而家直情可以打埋叱咤」。
時事評論人潘小濤都有寫低感想,仲話睇完個頒獎禮就發覺「E神(編按︰陳奕迅)等人完全可被取代」。
不過都唔係有讚冇彈,其中一項被觀眾批評嘅係音響效果。
另一樣都多人討論,就係司儀駱振偉(Thor)嘅表現。有人留言話唔明點解咁大個show只有一個司儀,而且Thor要兼顧埋表演,好難做得好。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!