解「不瘦降」之謎 衛蘭捱餓錯晒

東方日報

【東方日報專訊】衛蘭備戰明年兩場紅館騷,邊減食邊做運動收身、練氣,誓要搣甩「肥過電單車」之惡名,但身形卻「因減得加」,其營養師即糾正她要少食多餐才能搣脂!衛蘭終於有飽餐食,毋須再索生果頂癮。

歌手衛蘭(Janice)將於明年1月12及13日假紅館舉行《衛蘭oH MY JANICE WORLD TOUR 2018》演唱會,前日過萬張門票優先訂票,即於一日內售罄,故唱片公司華納宣布加開14日一場,一連三場門票將於明日公開發售。據知因紅館檔期關係,Janice只能加開最後一場,當她得知反應如此熱鬧,透過唱片公司說:「真係估唔到!雖然已經第四次開紅館騷,但呢次我係第一次可以加個人意見喺入面,所以全副精神放喺演唱會啲歌單同樂隊,冇乜留意啲飛賣成點。當唱片公司講我知賣得好要加場,真係好驚喜!衷心多謝買飛嘅歌迷。」

誓除「肥過電單車」惡名

Janice多年來被取笑身形「肥過部電單車」,為以最佳狀態回饋歌迷,她連月來積極收身及練氣,早前更被本報拍得在超市齋索生果。據知,Janice為減磅寧願長時間捱餓減食,惜未見成效大感苦惱,近日幸有營養師「打救」才解開其「不瘦降」之謎!原來Janice的減肥方法全錯,營養師解釋脂肪會因長期肚餓而作出調節,身體反而更容易吸收食物營養而令脂肪增加,故提議她每日要食三餐且要飽肚。Janice得知毋須捱餓即開心到震,但亦不敢太放肆,奉行少食多餐,以三文魚、疏果及澱粉質為主。

問到個唱可會邀妹妹衛詩擔任嘉賓?唱片公司發言人表示仍未知:「舞台嘅設計圖就定咗,布景概念全部係出自Janice嘅圖作,好有童話感覺。(Janice會性感騷Quali?)總之充滿驚喜啦!」

文:音樂組

 

是日精選

克勤期待首個男歌手金獎
黎姿全家福囡囡曝光
朱晨麗戀伍允龍-唔使向何廣沛交代
網民侮辱-谷住道氣-胡定欣呻完3粒鐘再搵姚子羚訴苦
heidi-sg爭仔敗走屈到情緒病
林俊賢黃子揚被爆為女反目
解-不瘦降-之謎-衛蘭捱餓錯晒
楊潮凱錢國偉齊報喜升呢做老竇
那英退出-中國新歌聲
別了陳文輝-薛家燕遺憾冇探病-杜琪峯難忘無私教授
連詩雅腿張開-籲男士檢查前列腺

其他內容