討厭蔬果質感 只吃薯片香腸10年 少年眼盲耳聾

19+

 

成日話要食蔬果保持健康,唔食又有幾大件事?

 

英國一名少年,自7歲起就因為討厭蔬菜水果嘅質感,

每日只係食薯片、香腸、火腿、白麵包,有時會食炸魚薯條。

 

到佢14歲時,開始因為經常疲倦而求醫。

由於經常食垃圾食品,佢嘅維他命B12水平偏低,要打針或者食藥補充。

基於佢嘅體重指數處於合理數字,所以醫生都係建議佢飲食要注意就算。

 

結果到佢15歲,開始感覺視力模糊同聽力差,

醫生了解過家族無遺傳病,亦唔關吸煙酗酒事,就從飲食著手研究。

經診斷後,少年得到一種富裕國家罕見嘅疾病NON︰

因為飲食攝取嘅營養素太少,導致眼神經受損,影響視力。

 

如果發現得早,都仲有得扳。但係少年嘅視力,已經跌到被判斷為全盲嘅程度……

 

醫生話,其實整個問題根源出於少年係患上進食失調。

同類病人之中,有人唔食某種質地嘅食物,有人對某種食物氣味、味道、外貌好抗拒,

令佢地對部份食物失去興趣,於是引致營養不均衡。

 

所以成件事嘅源頭係……點解家長唔覺得,個小朋友只係食垃圾食品係有問題?

原文傳送門

你可能還想看