【認真定無聊?】遇著喪屍侵襲 邊個國家最安全?

19+

 

正所謂居安思危,未發生唔代表唔會發生,

喪屍係咪只存在喺電影同網劇?

學阿媽話齋︰邊話得埋架!

 

原來有班學者同生存技巧專家搞咗個「喪屍研究學會」,

佢地仲好認真咁研究世界各個國家,一旦遇到大規模喪屍襲擊時,

邊度先至最安全。

學會將人口超過500萬嘅國家列入觀察名單,

再由地理位置、人口密度、軍事能力、公共基建以至槍械普及度,

分析安全指數,結果世上最能抵禦喪屍嗁十大國家係……

第10位︰瑞典

第9位︰阿根廷

第8位︰芬蘭

第7位︰挪威

第6位︰玻利維亞

第5位︰哈薩克

第4位︰俄羅斯

 

三甲嚟嘞!

第3位︰美國。

研究指雖然美國人口密度算高(每平方英里住83人),

但係持械人口不少,有力同喪屍一戰。

 

第2位︰加拿大

人口普遍聚居南方,有起事嚟向北疏散都仲有大把地方走。

而且擁有槍械情況普遍。

 

冠軍就係……澳洲!

最大優勢梗係地利位置啦!四面環海,喪屍游唔到過嚟啦啩!

另外人口密度低(每平方英里住7.5人),就算境內有喪屍,

都睇怕要行好耐先搵到人咬。

 

咪以為好荒謬,假如將喪屍呢個概念轉做「傳染病」或者外敵入侵,

你就明白個研究好有參考價值!

原post來源

其他內容