調教你MIRROR︳全員驚中伏勁小心 姜濤成「梅窩隊長」Ian因咩事黑面?

·2 分鐘文章

第2集《調教你MIRROR》交代全體成員到梅窩入營,由於本來Viu安排MIRROR拍攝綜藝節目MIRROR GO第3季,12位成員有晒經驗以為會瘋狂被玩,於是極有戒心!

同《調教你男友》一樣,梁祖堯(阿祖)入營後第一件事要求各人交出手機,但可以先發個短訊交代。其中阿Jer send短訊提醒女友M痛要食藥,好暖男!

無端端阿Jer拎鬚刨出嚟剃鬚!
無端端阿Jer拎鬚刨出嚟剃鬚!
被人發現就扮無事
被人發現就扮無事
姜濤就send message同阿媽講低已經過數
姜濤就send message同阿媽講低已經過數

另一個環節就係分房,因為《全民造星》十強去美國特訓時,大家都知道Edan好唔衛生,所以個個都求神拜佛唔好抽中同Edan同房。結果曾經幫Edan通馬桶嘅Jeremy同埋Ian「中獎」,Ian仲面有難色。

分房結果
分房結果
Ian當堂面色一沉
Ian當堂面色一沉

入房之後每組都要有一位成員要打開行李,Lokman俾阿祖要求展示底褲,仲笑佢似係絲質底底!Alton就帶定健身用品,方便操肌準備演唱會除衫見人。

後來節目組安排MIRROR去餐廳食飯兼拍攝,最先到埗嘅姜濤同Anson Lo一見set好嘅枱面就估係咪又有景轟,於是check完枱又check凳,仲懷疑所有架生都係為咗玩佢地而設。後來經阿祖保證唔會有任何整蠱環節,大家先至稍為放心。

阿祖又打開花姐交低嘅3個錦囊其中一個,並吩咐隊長Lokman搵個隊友喺呢次旅程暫代隊長一職。Lokman揀人期間,副隊長Anson Kong造口型各Lokman建議姜濤,Lokman都話「我都有諗過」,於是順理成章由姜B成為「梅窩隊長」,並由佢打開錦囊。原來係寫住叫佢地放低偶像包袱享受過程。

阿祖亦表明希望同MIRROR做朋友真心傾偈,但係Ian反應有啲猶疑,後來佢受訪時話預計到拍呢個節目,最難係點樣打開個心講自己嘢。之後嘅預告亦睇到Ian會去餅店學習,店主覺得Ian個人比《造星》嗰陣「chok咗」,而花姐都話同Ian有唔少爭拗,似乎第一個被調教嘅,會係阿祖眼中好保護自己嘅Ian!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能