請勿手多 遊客拎走沙灘沙粒被控盗竊
去旅行好多人都鍾意帶走當地土產作為紀念品或者手信,不過唔一定人人都咁乖會去紀念品店買,唔少手多嘅朋友會「就地取材」,四周執嘢帶返屋企。
近日一位法國遊客就去到意大利著名旅遊勝地薩丁尼亞島,當地有全球知名嘅最美沙灘,該位遊客可能覺得需要帶走最有代表嘅紀念品,就係當地嘅沙粒,而且一帶就係帶走1.6公斤!結果該位遊客回國時於機場離境時,被海關發現並予以拘捕,並會處以盗竊罪,面臨巨額罰款。
原來該位遊客並非第一個偷沙嘅遊客,網上就有一個以售賣各地沙粒嘅網站,唔少歐洲國家嘅沙灘都有被遊客偷沙嘅情況。去年於薩丁尼亞同樣有來自法國嘅遊客,一對情侶就竟然嘗試偷走40公斤沙粒,被處於6年監禁,大家切勿以身試法!
相關文章: