講你都唔信|曾志偉出山之作被批又嘈又悶 網民:失敗中嘅失敗

《講你都唔信》截圖
《講你都唔信》截圖

無綫全新遊戲節目《講你都唔信》搵嚟升呢無綫總經理嘅「獎門人」曾志偉、「大師兄」錢嘉樂,夥拍一班新生代主持,例如丁子朗、林秀怡、馮盈盈及江嘉敏等等,每集邀請唔同嘉賓透過「亦真亦假」嘅答問環節,大爆鮮為人知嘅秘事。節目喺噚晚(21日)首播,打頭陣嘉賓就有「兄弟幫隊」嘅林盛斌(Bob)、范振鋒及王梓軒,及「烈女隊」嘅江美儀、莊鍶敏(前名:莊思敏)及黃婧靈(波波)。今次係「獎門人」事隔5年出山主持,不過網民對節目嘅反應認真麻麻,而家就同大家睇下啦!

悶、無聊又嘈
節目每晚都有一個主題俾嘉賓輪流講故事,然後敵隊就要估故事係真定係假,而噚晚嘅主題就係「一生人最瘀嘅事」,雖然睇得出嘉賓們已經落力講故仔,不過都未能打破悶局。節目出街後,唔少網民紛紛留言鬧爆節目好悶、無聊同得過嘈字,例如「好X無聊 我老母可唔可以熄電視」、「可能曾志偉好耐冇做主持,回X哂塘 個節目悶X到」、「個節目又無聊又onX 不如重播皆大歡喜算啦」、「節目模式比較單調,如果集集都係咁會悶死觀眾。」、「琴晚睇左都幾悶下,寧願佢做超級無敵乒乓波好過」、「真係超悶,睇左10分鐘就唔想睇,失敗,冇興趣左睇」、「淨係覺得好鬼嘈,無心機睇落去」、「即刻轉台,無聊之極!」、「真係「講你都唔信」⋯⋯又嘈又悶⋯⋯失敗中嘅失敗⋯⋯快腰斬⋯⋯⋯⋯⋯」、「完全係低成本製作嘅垃圾綜藝節目」及「「今次真係失敗 嘈過街市 由頭到尾都冇笑過 感覺上 做得非常之求其 唔想做就唔好搞啦」」等等。

炒冷飯
其實喺2019年嘅綜藝節目《娛樂大家》中,已經有一個「真假話題」嘅環節,當時所講嘅內容仲要俾噚晚精彩得多,難怪被網民比下去,仲留言話《講你都唔信》炒冷飯,例如「仲衰過汪阿姐之前個綜藝」、「我覺得同 初初 開心大綜藝一樣」、「看了3分鐘,炒飯舊橋。做來都唔知為乜,暴露自己的弱點。」、「炒冷飯」、「又係炒冷飯,阿姐個節目都做過啦」及「好有創意,tvb 想執笠」等等。

似台灣綜藝節目
《講你都唔信》除咗被指炒冷飯之外,亦被唔少網民話同台灣綜藝節目好似,紛紛留言話「覺得似睇緊台灣綜藝節目囉」、「似睇緊台灣綜藝節目」、「我係咪睇緊小明星大跟班」及「成個節目無論音效、佈景、caption都咁X台灣嘅」等等。

愛將波波不得網民歡心
噚晚節目邀請到黃婧靈(波波)擔任嘉賓之一,佢以貼身低胸背心配長牛仔褲現身,不時露出黑色bra帶,非常搶鏡。節目期間佢仲分享自己喺中學時期仆親兼走光露底嘅經歷,不過佢似乎不得網民歡心,留言話佢「好肉酸,下盤超肥」、「波波返去做性女啦」、「波波無腦又1999 轉台睇do姐好過」、「波波真係得對波」、「最唔掂就係那個什麼波波,大牙肉仲要close up,之前睇佢主持的另一個節目,走去學人畫畫,完全無腦兼唔尊重店主(導師),不知所謂。」及「真係好嘈!好無聊!尤其波波出場,好煩!」等等。

《講你都唔信》截圖
《講你都唔信》截圖
《講你都唔信》截圖
《講你都唔信》截圖
《講你都唔信》截圖
《講你都唔信》截圖
《講你都唔信》截圖
《講你都唔信》截圖
《講你都唔信》截圖
《講你都唔信》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!