謝可逸新歡爆前夫曖昧 戴夢夢澄清:從冇介入!

東方日報
·1 分鐘文章

在無綫《使徒行者3》飾演「周文鼎」的34歲演員謝可逸,被爆背歌手女友謝文欣撻着兩度離婚的醫美集團老闆方潔盈(Jathy),失婚Jathy被指向前夫索贍養費,所以離婚後生活仍然富貴。事件昨日繼續發酵,Jathy在社交網發千字文數臭醫生前夫,更爆料指「戴夢X」與前夫過從甚密:「同你離婚前,我對你嘅所作所為忍無可忍,因為你當時同『戴夢X』曖昧,喺WhatsApp講晒『I love you』、『Don't leave me』,又畀我發現,見戴小姐病,送藥送到上人哋何文田屋企,當時我決心唔想再同你一齊,搵屋搬咗去中環,同你分居。」

不過Jathy貼文不久後,將「戴夢X」改為「戴XX」,所以有傳是指戴夢夢,因為夢夢曾經出席過她的新店開張,惹人遐想!夢夢對於牽涉入內大感無奈:「呢件事點解會發酵到我身上,我必須澄清從冇介入過湯醫生同方小姐婚姻,湯醫生只係我全家嘅家庭醫生,我哋僅係醫生同病人關係,我冇八卦過人哋家事,希望有人唔好拉我落水,我對佢哋家事完全冇嘢回應。」而謝可逸則沒有回應。