謝嘉怡發台瘟 爆粗?

東方日報
·2 分鐘文章
謝嘉怡緊張到忘記台詞,被指衝口而出講「Fxxk」!
謝嘉怡緊張到忘記台詞,被指衝口而出講「Fxxk」!

港姐冠軍謝嘉怡不諳廣東話,經常鬧出笑話!前晚她出席慈善活動時「發台瘟」忘詞,更演變成爆粗疑雲,雖然事後一再否認,但亦承諾花時間改善。

謝嘉怡、李克勤、傅嘉莉、林穎彤及王馨平等前晚現身電視城,為《善心滿載仁愛堂》演出,當中謝嘉怡聯同另外兩位港姐陳楨怡及郭柏妍等暖場,但她作出呼籲時未能一氣呵成,「食螺絲」之餘更被網民質疑衝口而出講「FxxK」,事後她無奈澄清:「嗰段口號好長,本來我背得好熟,點知臨場緊張。我想講『服務更加多有需要嘅人』,但講完個『服』字就唔記得晒,嗰個係中文字,唔係英文粗口。(搵老師惡補?)想,但要少少時間。」

而陳楨怡早前拍攝一個海上節目,被指跌Watt兼眼細,網民質疑其美貌全靠化妝,她解釋:「嗰日對住太陽拍,曬到睜唔開眼,加上戴咗隱形眼鏡但又入咗海水,好辛苦,咁我本身真係單眼皮。」

李克勤「出走」兩個月

至於李克勤受訪時透露,得悉陳柏宇因沒工作,疫情至今花掉過百萬「老本」,他坦言感同身受:「由1月開始到依家我都係咁,嚟緊要返內地工作喇,淨係來回隔離都要28日,起碼要走兩個月。(屋企人冇意見?)大仔問我可唔可以唔去,我問番佢『咁你食乜?』,太太都唔想我走咁耐,但冇辦法。(你都用咗過百萬?)我有兩個小朋友喎!依家仲多咗隻狗,呢啲嘢冇得比,相信好多業內人都好慘。」並感嘆在港開騷似乎遙遙無期:「依家咪喺無綫唱住先囉!」

而王馨平不時開Live教瑜伽,起初不懂鏡頭擺位,試過中途電話響、寵物入鏡甚至有人撳門鐘,笑話百出!談到父親王羽的健康情況,她說:「一切安好,馬海倫唔係有心(誤傳死訊),佢心地好好,刪咗文咪冇事囉!唔會追究。」

為到內地掘金,李克勤不惜硬食28日隔離。
為到內地掘金,李克勤不惜硬食28日隔離。
剛受情傷的林穎彤,收拾心情扮靚。
剛受情傷的林穎彤,收拾心情扮靚。