謝嘉怡豪邁滑水 褲仔危危乎

東方日報
·2 分鐘文章
謝嘉怡搵唔到防走光短褲仍繼續滑水,三角褲仔有點鬆,睇見牙煙。
謝嘉怡搵唔到防走光短褲仍繼續滑水,三角褲仔有點鬆,睇見牙煙。

港姐冠軍謝嘉怡出海展身手,但不及其鬆身泳褲仔吸睛,原來她帶去的防走光短褲臨時「失蹤」,但她完全不當一回事,一於玩咗先算,反而網民替她擔心!

謝嘉怡昨日偕鄧佩儀、鄧卓殷及馬貫東等在電視城出席明珠台情人節限定《愛的季節》記者會,她日前出海玩Wake Surfing並分享片段,身上的三點式泳褲看似很容易鬆脫,睇到網民肉緊兼眼凸凸,但她不擔心走光,興奮說:「第一次咋!玩得好開心,我有帶短褲去,但臨場搵唔到,好彩冇事。(同男生出海?)嗰兩個係訓練班同學嚟!」

目前單身的她,指情人節沒有節目,記者叫她識個香港男友,她笑說:「唔心急,想專心發展事業。(季軍郭柏妍已經入組拍劇?)聽到同屆港姐有劇拍都戥佢哋開心,我哋互相支持。(你廣東話講得唔好,所以被爬頭?)都係嘅。(心急拍劇?)唔急,係急住想學好啲廣東話啫!」

鄧佩儀怕做電燈膽

同場的鄧佩儀及鄧卓殷被「逼供」拍拖經驗,前者表示初戀發生在16歲:「佢約我睇戲,買咗杯汽水兩份飲,我緊張到全程冇飲過一啖。」後者則靦腆承認初戀維持到參選港姐,郭子豪是人生第2位男友。事後她們齊齊受訪,鄧佩儀無奈說:「今年情人節要自己過,可能匿埋喺屋企,閨蜜已經成雙成對,唔想做電燈膽。(單身咗好耐?)幾年。(有咩擇偶條件?)最緊要善良,人愈大諗得愈多,發覺善良又有幽默感嘅男仔係最吸引。」而鄧卓殷亦冇約會:「佢(郭子豪)忙緊拍劇,農曆新年得幾日假,可能想休息。(煮嘢畀佢食?)研究吓。」

謝嘉怡獲翟威廉跪地送花,冧晒!
謝嘉怡獲翟威廉跪地送花,冧晒!
鄧佩儀Dry了幾年,出活動過吓拍拖癮。
鄧佩儀Dry了幾年,出活動過吓拍拖癮。
鄧卓殷跳到短裙飄飄,小心男友詐型呀!
鄧卓殷跳到短裙飄飄,小心男友詐型呀!