謝安琪口講冇不和 句句窒Juno

東方日報
·2 分鐘文章
謝安琪與Juno接受余宜發(中)訪問,公然談不和傳聞。
謝安琪與Juno接受余宜發(中)訪問,公然談不和傳聞。

謝安琪(Kay)自從與經理人麥浚龍(Juno)傳不和後首度同場受訪,明顯口和心不和,談及反面傳聞時,鮮有爆seed的Kay疑有弦外之音,句句有骨,又自爆將作個人發展,齋聽對話都感覺到氣氛尷尬,似乎2人如音樂企劃中的男女主角般,在故事悲劇中注定不歡而散。

歌手Kay和經理人公司老闆Juno傳因續約問題而鬧不和後,日前首度聚頭接受余宜發電台節目訪問,齊為長達3年時間的《the album》音樂企劃宣傳作結。DJ甫開頭即問2人有關最近的不和傳聞,Kay你一言,Juno我一語說:「關係幾好。」但她又笑住話:「眼見咁囉!(係咪合作愉快?)我覺得冇不和,唔知啲人點諗。」Juno答一句「冇不和」後,Kay似冷嘲熱諷問他:「你好似有啲保留喎?」被殺個措手不及的Juno惟有打圓場說:「我要答梗係(冇不和)啦!如果唔係點會坐喺度做訪問。」2人的「互動」令錄音室瀰漫一陣火藥味。

再問到他們可會各自發展,Juno表示:「會有新企劃。」Kay卻欲言又止表示:「期望新嘅……」至於新企劃是否2人不再走在一起?Juno未待Kay說完「我自己就係……」時,已插嘴截停並表示:「要睇囉!」但Kay卻堅持保留態度地拋下一句:「要諗吓!」Juno即冇癮說:「唔想咁快講晒出嚟。」

企劃終結:冇唔捨得!

Kay和Juno的合輯到終結回,她直言沒有不捨的感覺,作為演繹者之一已預視有完結一日,自感最不捨是首年合作,到第2年時故事的角色和發展等各方面有沉重感覺,而談到今年最後之作,她再次似有和Juno分道揚鑣的暗示:「發展得幾複雜,完成晒3年、3張碟咁多作品,我有種功成身退嘅感覺,將呢件事完美嘅交畀大家,我好滿足,好輕鬆,開心呢3年有好多得着。」又指和Juno在音樂企劃的角色是悲劇收場,但現實中則希望:「我人生唔係一個悲劇。」又謂會期待明年新發展:「做乜都得,做咩都好,總之有好嘅事發生。」

【相關搜尋】傳謝安琪失修身代言