謝影雪現身售樓處擬置業惹網民熱討
2020東京奧運賽事引起全城關注,代表香港出戰嘅運動員隨即人氣急升,獲得唔少代言及廣告商邀約,當中包括羽毛球混雙代表謝影雪,賽後佢先後為寵物食品、保險及日常用品等宣傳,知名度有增無減。日前火炭新樓盤接受認購登記,有消息謝影雪現身售樓處,擬有意認購單位自住。近日有網民喺討論區以「奧運選手謝影雪現身星凱.堤岸售樓處 擬入票認購」為題出PO,結果引起網民熱烈討論。
有網民好似對謝影雪置業不滿,留言話「買樓係原罪 呢啲仆街運動員用納稅人既錢去打奧運,番黎就接咁多廣告仲上viu,賺埋賺埋就買樓 運動員唔係要挑戰自己,尊重奧林匹克精神?原來都係為左錢」不過絕大部分網民就唔多認同佢嘅講法,仲戥佢開心,認為買樓係冇問題,例如「買樓都唔得咩,近體院」、「有錢唔可以買樓架咩」、「第四名個獎金平分完都60幾萬啦 唔買得咩」、「真心鄧(戥)佢開心,比起啲偽人佢地更值得有好既廣告收入同待遇,亦會吸引到更多人行呢條路」、「見到成班連登仔嬲X到震就好笑 一見人買樓就葡萄到咁」及「有咩問題?」等等。
唔知大家又點睇呢?
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!