謝東閔「跳樓」畏高騰騰震

謝東閔、李成昌前晚於6層高的唐樓拍攝跳樓戲，連同劇的陳展鵬及江嘉敏，個個都坦言「畏高」，不過謝東閔表示想一嘗吊威吔滋味，更大爆韋家雄拍跳樓戲未Roll機就暈倒！

藝人謝東閔、李成昌為無綫劇集《黯夜守護者》拍攝跳樓戲，同場有陳展鵬、陳煒、江嘉敏，劇情講述李成昌飲醉跳樓，陳煒、陳展鵬及江嘉敏等前來勸阻，現場有替身代拍危險鏡頭。謝東閔受訪時坦言有畏高，又爆前輩韋家雄試過拍跳樓戲未Roll機已經暈了！雖然拍過古裝，但他笑言未嘗吊威吔滋味，心郁想試！而從影多年的李成昌笑說：「以前冇畏高！反而依家有，一陣要企出去，所以都綁定威吔先！」

另外，謝東閔被問到女友朱智賢「復出」，他表示支持：「會同佢加油，佢係一個好努力嘅人，之前休息時經常行山、拍片，仲自己剪埋片，佢都好叻！」

陳煒吊4粒鐘玩「水上飄」

同場的展鵬透露拍過多次跳樓戲，後生時唔識驚只覺得好玩，現時女細老婆嫩，會萬事小心：「冇必要都唔會行咁出，好似揸車一樣，唔好跟得太貼。」拍完此劇他將繼續宣傳新歌，問會否亮相《勁歌金曲》？他說：「都要，20幾年前上過，嗰陣年紀最輕，依家變咗年紀最大嗰個。」

而陳煒笑言未有時間再拍飲食節目，但說：「不過如果嗰啲好多禮物同獎金嘅就可以搵我！」說到吊威吔，她大爆以前曾於水上吊足4小時玩「水上飄」，雖然很攰，但相當好玩。江嘉敏就首次睇拍跳樓戲，雖然畏高，但都想試試吊威吔及拍開槍戲。