【謝霆鋒︳一窩瘋】黑歷史MV 驚見稚氣chok樣 網民︰如果王菲有睇個MV好多事會唔同咗
謝霆鋒一出道(定係一出世?)就同chok扯上關係,好少可影到佢唔型嘅一面。但係正所謂再鋒利嘅刀都有生銹一日,霆鋒都有失手時候。
近排有網友就提起謝霆鋒首張專輯My Attitude其中一首主打歌《一窩瘋》嘅MV,一睇真係非同小可!劇情係講……唔,我睇咗5次都get唔到個故事係點,可能同個導演有關,佢個名叫「栢金信」。
唔少網友睇完都嘖嘖稱奇,有人甚至話「如果王菲有睇過個MV,好多事會唔同咗」。唔知阿菲睇到會點諗?