譚凱琪深謀遠慮 唔怕囡囡冇人追

東方日報
·3 分鐘文章
雖已為人母,但譚凱琪無意做全職媽媽。
雖已為人母,但譚凱琪無意做全職媽媽。

去年誕下女兒的譚凱琪,不急於追多個,因不想分薄對囡囡的愛,又笑言朋友多數生仔,故囡囡將來有很多選擇。熱愛演戲的她不想做全職媽媽,會盡力兼顧事業與家庭!

藝人譚凱琪(Zoie)在劇集《失憶24小時》與郭晉安飾演兩夫婦,自嘲角色雖叫「施文雅」,但完全不斯文:「要成日鬧佢,因為佢唔爭氣,成日賭錢,呢個角色都係突破,畀大家見到我巴辣一面。」她又難忘有場戲要摑郭晉安:「記得拍呢場戲我追住佢鬧同打,然後佢話唔緊要嘅,叫我一嘢打落去,仲教我點打,好彩我盡力摑,唔需要NG咁多。」

未諗追多個

現實中,她笑言不會打另一半,但坦言誕下囡囡後,與老公為湊女多了分歧:「始終我哋係新手,會各自聽唔同人講、睇唔同嘢,雖然有少少分歧,但大家傾吓、磨合就冇事。」榮升人母近5個月,她坦言已習慣湊B:「最瞓得少係頭1、2個月,養好身體、湊小朋友、餵奶都幾忙,但好enjoy,見到小朋友一日比一日大,識嘅嘢都多咗,就會好開心。」

問到可有意追仔湊個好字?她坦言:「驚冇咁多時間照顧囡囡,可能等大少少先。其實冇真正討論想唔想,同埋我嘅愛分唔到咁多出去,想全力畀咗呢個囡囡先。」

坐月期間肥了10磅,Zoie要努力收身,為新劇《十八年後的終極告白2.0》開工。講到生完不久就復工拍劇,她盼能兼顧事業及家庭:「要我坐喺屋企做全職媽咪唔係唔得,但最好就有埋事業,咁啱又有呢個工作,我想嘗試兼顧。(會唔會減產?)當然冇之前咁密集,之前一年開4、5套,但依家睇能力。(老公有冇叫你唔好做?)又冇,佢支持我做自己鍾意嘅嘢,工作以外我都畀晒啲時間屋企同囡囡。」

怕悶親龔嘉欣

講到「少婦聯盟」中的陳凱琳又是人母,她笑言:「所以每次出嚟有龔嘉欣喺度,都驚講太多湊B經會悶親佢,都叫佢快啲join埋我哋,但呢啲都講緣分。(陳凱琳有2個仔,第時可以對親家?)我哋都有講笑講過,圍內朋友都係生仔,所以我個女好多選擇。」

譚凱琪讚老公幫得手,經常幫忙湊女。
譚凱琪讚老公幫得手,經常幫忙湊女。