譚嘉儀個唱延期 驚甩Look

譚嘉儀為Keep住呢個髮色,落咗唔少心機!
譚嘉儀為Keep住呢個髮色,落咗唔少心機!

歌手譚嘉儀首個個人演唱會延至年底舉行,突然有一年騰空,要保持韓風外形深感壓力。她自嘲韓妹冇份,只有「寒背」,會下定決心操出又長又深的馬甲線在舞台見歌迷!

受第5波疫情影響,譚嘉儀原定昨日舉行的首個處女騷宣布延期,一刻失望之後,她亦面對現實:「依家多啲時間排舞同瘦身,我想重點操練手腳腹,練出腹肌,已經有馬甲線,想條線再長啲、深啲,所以新年要忍口。」過往形象斯文的她,現將頭髮染成粉紅色,又推出跳舞歌《Eyes On Me》,充滿驚喜,她說:「我返屋企時,媽咪就話:『邊個韓妹嚟咗?』我係寒背嘅『寒』就真,哈哈!」

送專輯當賀年禮物

她直言演唱會延期令她深感壓力,為了保持髮色,她每隔2星期就補染一次:「我買咗好多補色洗髮同護髮用品,要Keep到年底,有啲吃力。」她原定舉行演唱會同日會推出新精選專輯,雖然演出延期,但專輯如期推出,其入行第4張個人專輯《Eyes On Me》新曲加精選2022剛推出,以粉紅色包裝,她笑稱可當作賀年糖果送禮用:「當我係糖果,夠Sweet。」

雖然演唱會延期,但譚嘉儀都不會鬆懈。
雖然演唱會延期,但譚嘉儀都不會鬆懈。