譚淑瑩簽無綫「玩吓」 拍翻車戲浴血

東方日報
·1 分鐘文章

已故藝人譚炳文的愛女譚淑瑩,獲無綫主動招手,簽約成為旗下藝人。本任職航空公司的瑩瑩,受疫情影響才考慮全職演員工作,日前她為新劇《拳王》拍攝翻車戲,血流披面,造型頗嚇人!她受訪時說:「拍戲真係唔易,抱住個小朋友幾個鐘屈喺車內,都辛苦!(改簽藝員約有咩唔同?)之前做特約自由啲,依家就時間長啲,不過好玩啲,戲都多啲。(人工?)當然有分別,但我都係玩票性質,以前爸爸都有叫我簽,但我嗰時有正職,依家唔係日日有工返,所以簽嚟玩吓。」