變態佬露械攔路 大埔LuLu爆喊狂奔

東方日報
·2 分鐘文章
大埔LuLu寄語女生獨行時,要選擇人多的地方。
大埔LuLu寄語女生獨行時,要選擇人多的地方。

「宅男女神」董嘉儀(大埔LuLu)前日在社交網自爆遇露體狂!獨自歸家的她,在僻靜地方驚見變態佬向她「露械」,嚇得驚惶失措,爆喊跑走!緋聞男友、天堂鳥成員Gordon自告奮勇做「柴可夫」,展開護「Lu」大行動!

深受宅男愛戴的大埔LuLu,社交網擁有逾15萬Fans,她不時分享生活點滴,留住Fans的心。前日,她在網上自爆獨自回家時途經僻靜地方,慘遭露體狂騷擾,嚇得花容失色,忍不住爆喊狂奔,她留言:「有個變態特登行去我前面,着住條開洞露下體嘅褲,嚇到即刻跑走,忍唔住喊。各位女仔一個人返屋企嘅時候,揀啲多人嘅地方行。」大批網民「洗版」慰問,慶幸她有驚無險。

有陰影 改路返家

講起驚險經歷,她昨日接受本報訪問時猶有餘悸,指露體狂是1名年約30多歲的慣犯,當時對方身穿橙色風褸及白色緊身褲,下身位置開窿坦蕩蕩於人前,她說:「有個住附近嘅朋友都見過佢!我朋友勇敢啲,冇畀反應直行直過,但我就嚇到聲都出唔到跑走!嗰陣大概係10點幾11點,仲要條好光猛嘅隧道入面,其實我落車嗰陣都覺得呢個人好奇怪,但我冇理就落斜行過去,佢特登喺另一邊衝落樓梯,企定喺中間擘大對腳嚇我,個樣仲好開心,覺得有人陪佢玩!」

她指當日行完山體力透支,但仍出盡奶力跑走,幸好成功脫險:「走甩之後,我都有離遠睇佢有冇追住我,見到佢踎低唔知做乜,冇理喇!(又同緋聞男友Gordon行山?)唔係。(佢有冇慰問你?)冇留意添!以後寧願行遠少少返屋企,自己一個女仔真係唔夠膽行,有陰影!」

至於Gordon坦言知道對方受驚,已送上慰問,問會否自薦做「柴可夫」管接送,他說:「如果佢需要嘅話,我非常樂意車佢呀!」大埔LuLu得悉後冧爆回覆:「哈哈!多謝佢先,不過唔希望再遇到呢啲經歷啦!」