變收視福將唔敢邀功 「床照」惹遐想 李佳芯:講到鹹片咁!

李佳芯一槍在手當堂型咗!
李佳芯一槍在手當堂型咗!

李佳芯最近在劇集《有種好男人》海棠春睡時回眸一笑,令網民大嗌心動,昨日她宣傳時笑說:「講到好似鹹片咁,我係拍正經劇㗎!」

無綫新劇《有種好男人》演員李佳芯(Ali)、陳自瑤、徐榮、胡諾言、趙希洛等,昨日在觀塘玩雷射槍對戰宣傳,見Ali與陳自瑤相當投入,不停喪笑。劇集被指安排在「炮灰檔」聖誕期間出街,但收視力壓台慶劇《輕.功》,Ali說:「冇贏輸嘅,但係都開心,辛苦都值得。第一次聽『炮灰檔』都覺得唔係,聖誕節一家大細睇,反而有助收視。」網民認為收視好歸功Ali,她揚言不敢當,反指是台前幕後的努力。

另外,Ali劇中海棠春睡時回眸一笑一幕,令網民大為心動,她笑說:「你哋唔好成日幫我加啲名,講到好似鹹片咁,我係拍正經劇㗎!嗰下只係啱啱瞓醒啫!」又笑言有好好保養住真實年齡28歲,最重要是心態,問到現實中可有像劇中胡諾言角色的男閨蜜?她說:「都好想有,有朋友、知己、好姊妹,但唔知係咪去到閨蜜呢種。」

陳自瑤考慮出寫真

陳自瑤以養眼的運動Top現身,自言是配合活動主題,談及新一年新開始即在社交網派「床照」福利,更被誤會真空上陣,她說:「只係想影個感覺,唯美感。(有冇更性感嘅相?)啲相係之前影落,有好多仲未出,不過都打晒底,好似好性感,但其實冇嘢睇。」問可有興趣出寫真,她笑說:「未入行前做Model,所以都好鍾意影相,覺得影相同演戲一樣,可以演繹唔同嘅自己。寫真有冇人睇呀?諗吓!」

陳自瑤以Bra Top現身,搶盡風頭!
陳自瑤以Bra Top現身,搶盡風頭!
李佳芯海棠春睡一幕,令網民大嗌心動!
李佳芯海棠春睡一幕,令網民大嗌心動!