谷婭溦茶餐廳拍片被粗口對待勸網民做好被罵準備 「2事」反被網民攻擊

谷婭溦影片截圖
谷婭溦影片截圖

谷婭溦(Vivan)除咗星夢娛樂歌手身份,又與無綫簽約成為旗下女藝員,去年有份參與劇集《愛上我的衰神》拍攝,與許俊豪飾演情侶兼有被掌摑嘅戲份;早前谷婭溦更與無綫總經理曾志偉現身內地網紅「瘋狂小楊哥」直播,以及亮相內地音樂真人騷《天賜的聲音》第三季,知名度大增。谷婭溦近日拍片一嚐內地小紅書推介嘅香港必食茶餐廳,被粗口問候,令佢覺得呢個體驗好惡劣,勸籲網民:「做好被罵的準備再來吧」,又表示要保持好嘅心態,否則好容易發脾氣。谷婭溦此片一出,惹來極大爭議,網民亦因2件事直言谷婭溦抵死。

谷婭溦於茶餐廳開住大光燈拍攝,於點評茶餐廳最出名嘅沙嗲牛肉麵、鮮奶球等食物期間,影片有名黑衣人士亂入及怒罵嘅聲音,但就未能見到該人是否員工及罵嘅對象。之後就有員工向谷婭溦詢問:「麻煩可唔可以熄咗佢啊(打光燈)」,谷婭溦叫攝影師熄咗佢之後就悔氣地表示:「你好好同我講冇問題嘅,但係你哋服務態度真係太差啦!」該茶餐廳伙記隨即回應:「唔好意思」。

谷婭溦於影片中開大光燈拍攝及轟炸茶餐廳員工態度差嘅行為被網民鬧爆,認為佢影響到其他人仲喺到話人:「呢次對小谷幾失望,茶餐廳內人流密集唔同酒店餐廳,打燈拍片係幾滋擾人,唔好怪人鬧佢」、「我覺得在人地方打大燈拍嘢,未問也不禮貌」、「你影響到人仲好講 食個茶餐廳都拍嘢」、「食個廉價下午茶都咁多廢話」等等,亦有網民懷疑影片經過惡意剪輯,指當時該員工未必係鬧佢,覺得只係剪接唔完整以增加事情討論度。

影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!