谷婭溦「穿越」歎茶 自誇有仙氣

谷婭溦(左)與糖妹換上古裝飲茶,特別有Feel。
谷婭溦(左)與糖妹換上古裝飲茶,特別有Feel。

歌手谷婭溦在社交網分享與糖妹在內地拍攝飲食節目《魔都女行》的古裝扮相,寫道:「間食店真係好靚,古色古香,我哋坐喺度飲茶真係好有仙氣,有種穿越去古代嘅感覺。」她更興起想拍古裝劇的念頭,笑說:「嗰度有好多唔同古裝衫畀我哋揀,我哋揀嘅漢服,同糖妹着咗上身,我覺得我哋好有大家閨秀嘅感覺。」

身在北京的她,與媽咪一同慶祝中秋:「我食咗好多嘢,又烤肉又月餅!」又透露早前在廣州舉行首個個人音樂會:「個騷仲計劃去其他幾個城市,但想等疫情冇咁嚴重先一次過巡演。」現時她趁機叉電及努力寫歌,希望明年推出新專輯。