谷胸自由神像 華姐冠軍余思霆起底

《2017國際中華小姐競選》昨晚已經圓滿結束,香港代表馮盈盈全晚表現尚可,流露出滿滿自信,最後奪得季軍,亦是事隔四年再次打入三甲的香港佳麗。賽前大熱、吉隆坡美女林宣妤全晚亮眼,不論外表或是演出都十分出色,但最終屈居亞軍。冠軍則是來自紐約的 余思霆 (Stitch),憑陽光甜美外表及技驚四座的滾軸溜冰表演俘虜評判心,算是出乎觀眾意料之外!現在一齊認識呢位出爐國際中華小姐冠軍,仲有好多靚相睇!

圖片:《2017國際中華小姐》截圖、Instagram、tvb.com

延伸閱讀:

回到那些年 陳曉東 10大經典金曲

Angelababy 香港順產生6.4磅B仔 黃曉明全程陪伴

回想起當初16位華姐佳麗會見傳媒,各界目光都集中在林宣妤、馮盈盈等人身上,沒有太多報道提及佢。其實Stitch的外表亦相當不俗,笑容甜美燦爛,健康膚色加上豐滿身材,別有一番魅力。

去到昨晚,風頭躉依然是馮盈盈及林宣妤,唔少人都認為冠軍係以上兩人之爭,不過Stitch表現都算唔錯,起碼在一眾操「譚仔阿姐」口音的佳麗中,佢啲廣東話算係講得OK!對答亦算得體。豐滿身材令Stitch唔同打扮都一樣性感誘人,其中佢扮成「谷胸版」自由神像成功令大家留下深刻印象,在往後環節倍受關注。

不過最煞食都係才藝表演環節,當其他佳麗的表演只能讓算是不過不失時,Stitch以花式滾軸溜冰上陣,優美動作令人拍爛手掌,最後更自轉20個圈再加一字馬,爭取唔少分數!

Stitch最終力壓林宣妤及馮盈盈成為冠軍,得悉獲獎時不禁哭成淚人,再次恭喜佢!

芳齡22歲的Stitch原來算係半個台妹,佢在台灣花蓮出生後移居美國,去年贏得美國華裔小姐冠軍,代表紐約出戰國際中華小姐。原來Stitch早在三年前已經參加過紐約華裔小姐,可惜當時落選,故今年再接再勵參選,更成為當地的四料冠軍!雖貴為國際中華小姐冠軍,不過Stitch仍然係個學生,現就讀於University At Albany。但佢都曾經講過要成為出色的演員或主持,唔知佢接下來有咩打算呢?

IG有唔少性感靚相:

另外Stitch似乎同季軍馮盈盈老友鬼鬼,兩人得獎後隨即各自在IG晒合照,不如將來一齊拍劇或者做主持?

另外睇番Stitch在IG以前的相片,感覺上都係比較稚嫩可愛,不過正所謂「女大十八變」,加上化妝技術有進步,就令大家見到昨晚那位性感嫵媚的中華小姐冠軍啦!

另外Stitch原來對Air Jordon系列波鞋情有獨鍾,曾經留言話「每個女孩心中都有一個屬於自己的夢想~#aj11 #airjordan#legendblue11s #gamablue」唔通佢想着住Air Jordan結婚?各位想追女神的男士們,識做啦!

 

全文完

延伸閱讀:

華姐精彩重溫 余思霆奪冠 林宣妤馮盈盈屈居亞季軍