豬籠入水!蔡嘉欣公開閨房 晒名牌靚畫勁擺風水陣

·1 分鐘文章
豬籠入水!蔡嘉欣公開閨房 晒名牌靚畫勁擺風水陣
豬籠入水!蔡嘉欣公開閨房 晒名牌靚畫勁擺風水陣

落選港姐蔡嘉欣加入無綫後工作接踵而來,比起同屆冠軍黃嘉雯更多嘢做,豬籠入水,周身名牌,又有ibanker男友「奉獻」,非常富貴!早前佢仲公開自己嘅安樂窩,介紹客廳、廁所、廚房,被問到係咪買樓上車時,佢就避談,只係自爆使咗10幾萬去裝修,而今次佢更公開閨房!

佢透露間房係自己設計,牆身油上粉紅色充滿少女感,不過佢話重中之重係幅畫,而呢幅畫其實係條名牌絲巾,佢將條絲巾燙平再放入畫框,咁就變成一幅「名畫」喇!佢仲自爆迷信,突登搵風水師喺全屋擺陣,有玉兔、白玉、文昌塔等等!佢又直言同家姐花咗唔少錢睇風水,家姐一換咗個桃花陣就即刻識到男朋友,兩姊妹都覺得好有效呀!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能