查看相片
網上有條片係貓貓抱住鹽晶燈瞓覺，好多人覺得兩樣咁治癒嘅東西放埋一齊，
簡直係溫暖人心。
但係原來佢地係唔應該並存架！
查看相片
紐西蘭一位貓奴Maddie，發現主子Ruby近來健康變差，
唔肯食嘢飲水，視力同聽力都出問題，仲行唔到！
獸醫診斷後話Ruby出現鈉中毒，出現腦水腫呀。
點解會咁？
鹽份含有大量嘅鈉，一般奴才都唔會俾主子食太鹹嘅食物。
但係Maddie屋企有盞鹽晶燈，估計Ruby好奇走去舔舔，
吞咗唔少鹽落肚，咁就出事！
因為有味，汪星人同喵星人都會舔吓盞燈，甚至舔上癮。
不過以往嘅個案多數發生喺狗狗身上，貓貓比較少發生。
好在發現得早，Ruby正在努力康復中。
記住大量鹽份對寵物係有毒架！
所以如果家有鹽晶燈同寵物，記得要放喺寵兒接觸唔到嘅地方。
當然我都知貓係好跳躍嘅，咁可能要搵張紗紙包一包盞燈嘞。
