貝安琪努力造人 黐李潔瑩旺氣

黎諾懿太太李潔瑩前晚與貝安琪分別帶兒子到將軍澳出席商場活動，兩個孩子在現場大玩遊戲，相當活潑。腹大便便的李潔瑩預產期還有兩星期，問到心情如何？她笑說：「依家還好，遲啲就冇得瞓，同埋食嚟食去都係嗰啲嘢，諗起都灰。（老公緊張？）唔緊張，始終有經驗，識得放鬆。（細仔改咗名？）中文名等BB出世再搵師傅改，乳名因為牛年，會係同牛嘅食品有關。」貝安琪與老公亦有計劃再「造人」，現正努力中，故趁機摸李潔瑩的大肚沾旺氣。