貝安琪睇中醫追女 湊「好」字

東方日報
·1 分鐘文章
原來貝安琪已有造人大計!
原來貝安琪已有造人大計!

藝人貝安琪(Ankie)趁學校假期帶現年4歲的寶貝仔小龍到黃大仙祠見識,首次到祠廟的小龍,對各事各物都感好奇,興奮得跑來跑去。Ankie說兒子性格活躍好動,親子活動都盡量在戶外,如行山、踢波和踏單車,見小龍鼻上有道小傷口,她解釋:「佢同小朋友玩扮海盜,佢自己把玩具刀劃親個鼻,刀都打斷咗。早幾日行山,佢拎住罐汽水行,行行吓跌低又撞到個鼻,流晒血,我同自己講要冷靜,唔想嚇親佢,佢後尾起番身,第一句就問罐汽水有冇事,佢擔心罐汽水多過自己。」

近日小龍開始模仿媽咪做瑜伽、畫畫和做小手工,發掘靜的一面。Ankie希望待疫情穩定後添個「小安琪」,實行湊夠「好」字:「想生個女,聽講中醫可以幫到,會睇吓。」

貝安琪帶囝囝到黃大仙祠,囝囝好動活潑。
貝安琪帶囝囝到黃大仙祠,囝囝好動活潑。