買外賣冇加辣椒 出手打妻兒 網上9萬人睇直播圍堵躁夫

19+

 

另一條稿講起一隻蛋點樣得到2000萬個like,

家陣就教埋你,點樣先有人睇你開live。

 

台灣新北市一名男子,叫個12歲嘅仔買當地小吃「肉圓」返屋企,

打開嘅時候,發現冇辣椒,

因此毆打太太同個仔。

 

一條紀錄咗呢個男人質問阿仔、打仔打老婆嘅片,

被放上Facebook社群之後,

網友紛紛義憤填膺,話呢個男人冇資格做老豆。

仲有人起咗個躁爸爸底,走去佢屋企代出頭,大打一頓。

 

同時仲有唔少花生友,亦都去到躁爸爸住所附近聚集,

據報導高峰時期有過百人喺現場。

有網友仲開facebook直播,係影住一鑊有肉圓嘅炒辣椒,

話要呢位爸爸食…晒…佢。

呢個live,最高峰時期有9萬人睇!

最後要當地警方出面要求聚集民眾離開,

仲代收呢一兜炒辣椒,更表明唔會倒咗佢。

 

回到開頭嘅問題︰點樣先有人睇你開live?

只要件事多人講,牽涉到道德底線,加一個同件事有關又有d綽頭嘅道具/行動,

就搏得過架啦。一兜辣椒,駛幾錢先?

 

呢個9萬人睇嘅直播炒辣椒,令我諗起廿幾年前「鄧家爭產」。

如果當年已經有社交媒體,應該會更轟動……

定係司空見慣,當碎料一則?

原文傳送門

你可能還想看