賀歲檔冇埋 林小明：飛落懸崖

戲院因疫情而暫停營業多時，最新公布戲院將延長關閉至2月17日即年初六，意味着電影業界的農曆新年黃金檔泡湯，原定戲院一開便會上映的電影《拆彈專家2》、《逃獄兄弟》及英皇賀歲片《不日成婚》等均受影響！

對於影業痛失賀歲檔，《拆彈2》投資方寰宇老闆林小明表示：「無可奈何！激死！今次香港真係悲哀，由暑假到聖誕都冇電影睇，依家連新年都冇埋，戲院直飛落懸崖！點頂？」

投資電影院線兼電影《逃獄兄弟》的黃百鳴則說：「其實過去一年疫症影響到大家都好唔開心，真係需要喺過年時一家大細入去戲院開開心心睇番場賀歲片，不過冇計啦！政府又要閂戲院喇！咁就真係好無奈囉！」

「電影業嘅損失」

至於《不日成婚》主角陳家樂以及衛詩雅都大呼可惜，家樂還表示：「睇賀歲片係農曆新年其中一件好重要嘅活動嚟，依家都冇辦法，明白抗疫好重要，希望大家新一年身體健康。」

由蘇皓兒、葛民輝主演的《糖街製片廠》原定於年廿九上映，電影公司表示：「我們嘅損失並唔係真正嘅損失，真正嘅損失係香港電影業嘅損失。」

蘇皓兒則說：「知道嘅時候都有啲失望，拍嘅時候都諗住新年可以上，因為賀歲檔好少呢類搞笑鬼片，希望疫情可以快啲過，套戲可以快啲上。」