賴慰玲摸過張振朗:木板咁硬!

張振朗與賴慰玲合作新劇要挑戰超長對白,幸好NG幾次便過關。
張振朗與賴慰玲合作新劇要挑戰超長對白,幸好NG幾次便過關。

藝人張振朗賴慰玲再度同演劇集,張振朗自言忙於操肌,過程相當艱辛,賴慰玲卻衝口而出讚他「木板咁硬」,事後一臉尷尬,全場忍俊不禁。

張振朗、賴慰玲與孫慧雪昨午出席《上水廣場 x PIXAR與你聖誕友約》活動,與新鴻基地產(銷售及租賃)代理有限公司董事鍾秀蓮小姐齊齊主持亮燈儀式。席上,3人又唱又玩遊戲相當賣力,吸引不少粉絲圍觀,場面熱鬧。振朗孖住賴慰玲受訪,原來他已有半年未有出席活動「賺外快」,笑指心情頓時開朗不少,因平日開工拍劇,很難感受到活動上歡樂氣氛。

日食1kg雞肉谷肌

原來張振朗與賴慰玲這對「螢幕CP」,將再度合演新劇《拳王》,但今次「逆轉」只得1場對手戲。賴慰玲笑言拍該場戲時心情相當緊張:「因為足足有8版紙對白,講我主持1個節目,本來係寸振朗嘅,但畀佢嘅剖白感動咗,之後想掉番轉幫佢,所以演技好有挑戰。」振朗則指幸好NG不多﹕「呢場戲拍1次至少要半粒鐘,好彩拍咗2、3次就收貨!」賴慰玲希望下次有機會跟振朗及蔡思貝合作:「一係講我哋爭你囉!」振朗聞言即笑說:「咁你兩個演我家姐喇!」

談到今次為《拳》劇操肌,張振朗直言壓力大:「開工唔夠瞓、又要勤健身,依家每日食1kg雞肉,飲水以桶裝計,自己唔食,啲肌肉都要食嘛!」賴慰玲直認有「觀賞」過其肌肉,突然衝口而出:「我叫佢借嚟摸吓,真係好似木板咁硬呀!(咁另一男主角黎耀祥係咪『好長』?)哎吔,我乜都冇講,呢次死火喇!」

此外,有網友力撐振朗應接演新版《十月初五的月光》,他謙稱:「唔敢喇!『初哥哥』太經典,況且我花咗好多時間先搣甩做人哋(張智霖)嘅『翻版』,希望《拳王》畀大家睇到新一面嘅張振朗。」

【相關搜尋】張振朗「巨咪陳妍希」女友



「螢幕CP」即席合唱掀高潮。
「螢幕CP」即席合唱掀高潮。
孫慧雪晒腿現身搶鏡。
孫慧雪晒腿現身搶鏡。
3位嘉賓與鍾秀蓮小姐(左二)齊齊主持亮燈儀式。
3位嘉賓與鍾秀蓮小姐(左二)齊齊主持亮燈儀式。