雅虎香港新聞 越南高官到英國出差 食名廚「撒鹽哥」牛扒引全國震怒？
相信好多人都試過出差，去到當地除咗工作有時都要品嘗下當地美食。越南一眾高官早前前往英國參加聯合國氣候變化綱要公約第26次會議，原本都實屬正常不過，點知有「撒鹽哥」之稱嘅土耳其名廚Nusret Gokce就於佢社交網站貼出一段短片，片中嘅越南高官到訪餐廳而撒鹽哥更親手餵食金箔牛扒，非常開心，據知每份金箔牛扒就要價1,450英鎊（約15,000港元）
不過，事後越南出現一陣哄動，包括唔少媒體及KOL都有出聲質疑高官們係咪用公帑享受，尤其越南普遍大眾收入都非常低微，一份牛扒已經等如唔少越南人幾個月嘅人工！事後餐廳官網急急將片段下架，而傳媒向撒鹽哥查詢亦未有任何回應。講起呢位撒鹽哥Nusret Gokce，以極其浮誇嘅撒鹽手法吸引目光，弓起手撒鹽嘅姿勢更可謂風靡全球，更有「撒鹽寶貝」（Salt Bae）之稱，短短幾年間已經建立起自己嘅牛扒王國，連碧咸及里安納度都係顧客呢！
___________________
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
___________________
相關文章：
