趙勁皓麒麟臂熊抱DaDa 臨盆在即影半裸大肚寫真

【星島日報報道】下月中正式榮升人父人母的趙勁皓（King）及盧頌之（DaDa），為自己及未來B女留下美好回憶，專誠選了在日前的情人節拍攝大肚寫真。臨盆在即的DaDa肚子雖然已經「籮咁大」，但卻完全唔覺水腫，而且依然臉尖尖。向來都擁有一副完美Body的King更趁青春留倩影，與DaDa攬到實一實影半裸寫真，二人的情深及充滿愛的照片，令整張照更覺溫馨唯美，而King的無敵麒麟臂在照片中更是異常搶Fo。 對於下月就要做爹哋，King笑指仍未完全Ready：「要買嘅野準備得七七八八，醫生、陪月都Book好晒，硬件上ready ，但心態上仲覺得自己未夠成熟 ，自己工作又忙，驚唔夠時間照顧佢哋。」 因為要兼顧處男自編自導電影、以及酒吧與食肆及健身中心等的生意，King坦言每日均睡眠不足，並指拍照時數度要休息叉電：「因為前一日開通宵，所以影吓又瞓吓咁，個攝影師都畀我哋影完一個shot ，瞓陣再嚟過。」 眼見老婆肚子愈來愈大，以及經常因為緊張等原因失眠，King坦言不無心痛：「見到DaDa個肚愈嚟愈大，我嘅壓力亦愈來愈大，一來會驚有咩意外，二來又驚照顧得DaDa唔夠好。」問到結婚籌備進度，King表示計劃先註冊，並構思婚宴與B女百日宴齊齊搞！

睇更多