趙希洛下廚似打仗 男友變洗碗工

東方日報
·1 分鐘文章
趙希洛節目中跟2位師傅偷師,男友有口福啦!
趙希洛節目中跟2位師傅偷師,男友有口福啦!

藝人趙希洛日前為無綫飲食節目《煮場爭霸》擔任嘉賓,問到私下是否經常下廚?她指今年忙於工作,廚藝變得生疏:「以前讀書煮得密啲,最拿手煮西餐,最開心、最有成功感係煮威靈頓牛排,係『考牌菜』。(男友有冇大讚你嘅廚藝?)無論我煮咩,佢都一定要畀面!」

錯失學藝良機

她又透露早年曾有機會跟毛舜筠遠赴法國修讀藍帶課程,可惜因有要事在身未能成行:「聽番佢講上堂流程、有幾辛苦,同埋話我實會畀人鬧到喊!其實我都預計到呢樣嘢,因為佢哋要求煮食枱面好乾淨,而我喺屋企煮飯成日畀媽咪笑我打仗咁,所以呢一環應該Fail咗!」續指愛下廚,但最憎洗碗,記者打趣說可以將洗碗重任交給男友,她即冧笑:「又好啫!但我想要個全職洗碗!(結婚就住埋一齊啦!)我全職煮、佢全職洗,咁邊個搵錢?」

爆黃智雯「泌」聞

另外,她早前被好姊妹黃智雯拍片整蠱,日前輪到她反擊大爆料講「泌」聞,令對方榮升「屎后」!她踢爆智雯每日早上都要花30分鐘大便及洗澡,不過每次如廁後都會徹底清潔洗手間,相當有手尾。她又爆對方當年選港姐時因為經常自爆有便意,被其他佳麗取花名為「Queen of the bizzz」。

黃智雯(右)被姊妹連環爆料!
黃智雯(右)被姊妹連環爆料!