路 一步一步走 (1)

踏入五十歲，歲月的增長會變得更加明顯。今天大家都會懂得關注自己在身心方面的變化，但同樣在一天一天變老的不只我們，還有我們的爸爸、媽媽。自己都年過半百，父母一般都已經接近七十、八十甚至過百歲了。有一個好唔想面對但又冇辦法唔面對的問題會逐步浮現眼前: 如何照顧我們日漸體弱的父母，讓他們好好地走完最後一程呢？

護老者係一份正正式式的「衰工」: 冇糧出、做足一年365日冇得休息、做得好冇人讚、但做得差一定畀人鬧，最重要係冇得辭工，直至到你身邊父母返天家果日。要照顧一個體弱的長者有幾辛苦? 你只需要想像一下換尿片這個動作就夠震撼了﹔提提你一個人平均一日會去六、七次廁所是平常事，所以將頭先你想像到的震撼乘大七倍就差不多接近現實了。

近來係報紙又再次見到護老慘劇，當你細心去了解事件背後，你會知道護老者並非因為討厭自己的父母所以傷害佢﹔反之係太愛佢，愛到怕自己有一日唔係度既時候冇人再照顧佢。

護老者的路唔易行，但你並不孤單。眼前雖然呢一刻睇唔到，但事實係仲有好多出路﹔記住：「你要為你自己同父母搵一條更好既出路，依邊一條路都一定比絕路好。」為此我們會繼續同大家分享護老者的生活、社區資源、危機處理錦囊、過來人分享等等，希望可以為社會帶來多一點關注，滲一線光。

劉德基
高級經理(發展)
基督教家庭服務中心

—————————————————————————————————-

「50+好生活」是基督教家庭服務中心「50+悅齡服務」與Yahoo 聯手打做的創意平台。每一位50+ (50歲或以上人士) 都有機會成為50+KOL，透過文字在「50+好生活」與全世界讀者分享。

「50+」是一個獨特的黃金年齡層，既享受退休後的自由時間、同時又積累了不少寶貴的智慧、更擁有一定的經濟能力。 在面對職場上及家庭上的角色轉換，50+朋友要如何自處？在進退之間又何以保持活力、從容自在呢？！

我們希望「50+好生活」能集結50+的智慧與力量，全面地把全港超過三百萬50+朋友所關心、有共鳴的題目放上這裡分享。

歡迎加入50+KOL的家庭或任何合作提議: melo_ho@cfsc.org.hk

網站http://www.50plus.com.hk/
Facebook: https://www.facebook.com/cfscprimelink