《踩過界II》劉穎鏇慘被迷姦 入行4年最大膽之作

無綫台慶劇《踩過界II》劇情越嚟越精彩，噚晚就講到劉穎鏇（Tiffany）飾演嘅新晉女星王芷瑜被飾演富商周家禮（黃子雄飾）落藥迷姦，之後再逼私人助理胡啟賢（阮政峰飾）二度強姦。劉穎鏇喺被強姦嗰一幕，演出非常專業，真係令人心都痛埋呀！

劉穎鏇喺2016年從美國回流參選港姐並奪得亞軍、最上鏡小姐及現場最受歡迎佳麗獎後入行。多年嚟都係以健康爽朗形象示人，除咗為綜藝節目《學是學非》及《3日2夜》等擔任主持之外，劉穎鏇亦有參與劇集拍攝，例如《兄弟》、《踩過界II》、待播劇《超能使者》及《唐人街》等等。另外，佢喺2018年重返校園，兼顧拍劇讀書2年，今年12月終於完成網上加州大學河濱分校與亞利桑那州立大學嘅工商管理系學士課程。

劉穎鏇拍劇都係做打女居多，今次可以話係佢入行以嚟最大膽嘅演出。早前Tiffany接受傳媒訪問時話認為一個演員，應該咩都要嘗試下，雖然角色會被強姦時都有啲嚇一嚇，但佢都相信台前幕後嘅專業。Tiffany亦話拍攝時工作人員、黃子雄及阮政峰都好錫同體貼佢，一cut機即刻攞圍巾俾佢冚住。噚晚嗰集出街後反應好好，網民都有留言支持佢，例如「今晚呢集踩過界2妳做得好好睇，加油！但見妳比子雄強姦真係好痛心...,如果現實我係妳老公我一定會好好保護妳」及「踩過界睇到你演出進步好多直（值）得贊（讚）！靚女希望繼續多D系（喺）幕前」等等。

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！

【相關搜尋】劉穎鏇聲淚俱下否認「車震」