躁男趕見工上唔到車 篤港鐵職員心口狂鬧「垃圾」

男子用手指篤向港鐵職員大罵。網圖

【星島日報報道】近日網上社交群組facebook流傳一段於西鐵元朗站的影片,片中見一名身形略胖穿長䄂籃恤衫,手拿著公事包的四眼男子,在港鐵月台上,用手指著一名港鐵職員大罵:「有無咁垃圾,一條鎖匙可以整壞你成架車,吓.....有無咁垃圾呀你個系統,我點冷靜,而家三點鐘我趕住去interview呀!」並用手指篤職員心口:「interview呀!」,差點迫至職員幾乎貼內玻璃膜門,之後職員邊退回出來邊解釋:「先生唔好出手呀,先生你剛才篤埋我件衫度。你冷靜些」男子仍不忿,並指罵:「乜叫出手,我出手你已瞓底啦,講......」再次將職員迫向玻璃膜門。 職員再解釋邊行回去出入閘口旁:「大家都唔想,我地已好盡力」。男子再大罵:「吓!盡乜力.......邊個盡力,無用架!遲到就遲到,我而家係遲到,我要去interview呀,你講乜?你大大聲講.......吓,咁你地架車又開得走............吓,吓,吓,你賠番d時間俾我,你嘥我時間,唔使講,我一定投訴你。」 此時聽到廣播響起,小心月台空隙,一列列車抵站,男子方逕自走向月台上車,再向職員拋下兩句「.....垃圾,垃圾」。 事件引起網民一番熱議,有網民話:「向港鐵職員致敬」,亦有人不齒話:「趕住見工,仲係度嘥時間」、「個interview老闆如果見到條片就係咁先」、有人就指:「港人壓力大,無地方發洩」「香港已漫延不良風氣,隨時辱罵他人,尤其是服務人員及公職人員,此風不可長」、「報警啦,公眾地方行為不檢」

睇更多