身家過億方力申與陳瀅關係瞹味 娛圈仲有邊啲男筍盤?

新一代女神陳瀅(Jeannie)與方力申(Alex)近年一直關係曖昧,最近更被網民指佢哋可能一早已經喺埋一齊。早前陳瀅返加拿大探親,而家就喺香港酒店接受21日隔離,期間唔少好朋友都送上日用品、食物和花。之後,陳瀅喺IG特意tag返送禮物嘅人,唯獨方力申就冇被tag,而元宵節收到嘅花束都冇tag任何人,因此令人聯想到方力申所送嘅好可能係花,令佢哋嘅緋聞如幻似真。現年41歲嘅「飛魚王子」方力申,2000年入行後歌影視三棲發展,更經常與鄧麗欣(Stephy)情侶檔姿態搵真銀,可惜二人於2016年結束10年情,之後感情都未有著落。方力申除咗好有善心之外,早前更傳出佢身家保守估計逾過億,難怪係圈中嘅鑽石王老五啦!除咗方力申之外,娛樂圈都仲有唔少筍盤,不如而家就同大家數一數啦!

方力申
方力申

古天樂
50歲嘅古天樂除咗有型同吸金能力強之外,佢仲出名孝順和樂善好施,絕對係娛樂圈公認嘅筍盤呀!已經出道多年嘅古天樂,感情生活一直保持非常低調,公開承認嘅女朋友就只有黃紀瑩一個。

古天樂
古天樂

姜濤
人氣吸金王姜濤只有21歲,出道僅兩年成為廣告商寵兒、新歌及演出機會不斷,成功俘虜唔少女士心。「小鮮肉」姜濤係孝順仔一名,早前任職廚師嘅姜爸不幸中風,而獨生子姜濤承諾會扛起這頭家,努力賺錢養家。另外,姜濤一直有一顆恨拍拖嘅心,亦喺歌曲《愛情簽證申請》中透露出心聲,不過姜濤想拍拖,女朋友都要先俾花姐過一過目。

姜濤
姜濤

黃宗澤
一向好有異性緣嘅黃宗澤(Bosco)高大又靚仔,自從與胡杏兒分手後,佢嘅緋聞就傳過不停,不過佢都通通例牌否認。近年Bosco主力內地發展,可以話係賺到盆滿缽滿,所以佢亦有喺香港、內地及東南亞買樓,淨係馬來西亞已經擁有四棟物業,所以佢絕對係「鑽石王老五」。

黃宗澤
黃宗澤

陳家樂
34歲嘅陳家樂高大、靚仔又專一,憑劇集《逆緣》「爺爺」一角成功入屋兼爆紅,成為新一代男神。佢前年更以半億元購入何文田豪宅,榮升業主。不過佢喺2018年與拍拖近四年嘅女友余香凝分手,重返單身市場。上年佢跟連詩雅(Shiga)嘅緋聞傳過唔停,仲成日被影到孖公仔出入,不過就一直未有承認戀情。

陳家樂
陳家樂

余德丞
31歲嘅余德丞(Dickson)係無綫力捧小生之一,憑住靚仔樣被封為「TVB新一代男神」,不過佢唔係淨係得個樣㗎!佢仲性格暖男,屋企又有家底,家住2000萬跑馬地豪宅,及被爆出與家人共同擁有多個物業,真係人生勝利組呀!

余德丞
余德丞

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!