車Cam直擊:兩學生攝車罅過馬路 司機響按嚇退 網民讚做得好

【on.cc東網專訊】馬路如虎口,學生要謹守!近日新冠肺炎疫情緩和,全港學校陸續恢復面授課堂,但返學路上要時刻注意安全。今日(20日)網上流傳一段影片顯示,1名司機駕車從荃灣安賢街轉入荃景圍後,於燈位停下時,2名身穿校服的小學生正從錄片車輛及前車之間穿過,打算過對面行人路,由於該路段為雙線行駛路段,錄片車輛司機擔心2人發生危險,便響按提醒,2名學生哥「嚇到個心離一離」,立即退回原本的行人路,其時一輛電單車亦從後爬頭,鐵騎士亦向2名學生方向張望。

錄片車輛司機於上載影片後,向2名學生表示歉意,稱「嚇親你哋」,又留言道其實2名學生有望路面情況,「不過剩係望左邊,我提提佢(哋)費事出意外啫,最後我睥住佢哋都係乖乖地行返落去紅綠燈度過馬路」,他亦提到另一輛電單車於等燈號期間爬頭,似乎亦有問題。

不少網民稱讚該司機「做得好」、「好彩你醒目」;亦有網民留言道「你做得啱呀,等佢哋(2名學生)唔好亂咁過馬路」;另有人表示「其實師兄你救埋部電單車,佢揩到嗰兩個學生哥仲大鑊」;此外,有街坊留言稱「呢個位,唔止學生係咁,好多大人甚至老人家都係咁過馬路」

【更多即時新聞詳情請上東網新聞

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能