農民改裝房車 帶半癱妻子遊歷40城市

愛情嘅力量就係無可說明，好多大大小小嘅愛情故事，力量嘅來源就係簡單對對方嘅愛囉！今日呢個故事就係好例子，郭景新同佢老婆趙嫦花喺7年前開始展開浪遊，當年50歲嘅郭因為老婆突然中風昏迷一年，之後雖然醒番，但已經半癱。郭記得老婆之前話仔女長大晒，想多多旅遊，見識唔同地方，於是郭就將原本嘅三輪電單車改裝成有車相嘅旅行車，7年間浪遊中國唔同城市，從河南走到陜西、新彊等，每個地方都只會停留一段好短日子，郭就喺當地做散工，賺到旅費就離開，有時一日兩餐都未足食得足，非常艱苦；可幸嘅係妻子病情好似有所改善，竟然識得微笑，令郭非常開心。郭話唔少有心人見到佢哋嘅情況，都會提供少量食物，否則佢會去菜市場執爛菜去煮，或者買饅頭，至於肉類就已經好耐無食過。郭一路帶住妻子，過住浪遊生活，佢話未知幾時會停，可能有朝一日妻子可以完全康復之時，就係佢哋旅程嘅終點。

郭氏夫婦憑呢架旅遊車，走遍大小40個城市。

車內足夠二人睡覺之用，不過無門鎖等。

深情嘅郭景新，令人感嘆。

相關文章：

一家人渡假被逼分兩班機？ Thomas cook 鬧醜聞

逛到回不了家 韓國最大8層樓大創百貨

「極品女友」去旅行時的6大貼心舉動

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！