雅虎香港新聞 
【迎接新一年】「疫中取樂」3大生存貼士！
新年鬆一鬆，快樂在心中。
***
新年大行動
「兄弟，準備好未？」大佬問。
眾人會意點頭。
大佬跟住發施號令：
「嗱，你睇住度門。」
「你呢，如果警察衝入嚟，你就係窗口爬出去。」
「你兩個，輪流喺車度等，負責睇水，勢色唔對，就準備接應。」
「喂！喂！你地去打劫銀行呀？」
「唔係！係準備食新年大餐！」
以上純屬搞笑，切勿模仿。
好唔好打針？
還是鼠年。
兩隻老鼠，喺實驗室食飽無野做，傾閒偈。
「香港話有鼠患喎，仲話我地引起鼠疫添，佢哋污糟，就賴我哋。」
「唓！唔使理嘅，新冠肺炎會收拾佢哋。」
「不過我哋都可能感染到喎。你接種咗疫苗未呀？」
「開玩笑咩？我梗係等啲人類測試完先啦！」
以上又係搞笑，接種與否，不要被鼠輩影響。
心理醫生忠告
心理醫生朋友傳來的生存貼士：
「各位朋友，
抗疫成年，大家都有啲疲勞，趁新年，我提供啲溫馨提示，有助大家保持健康、美麗、而且神智清醒，以便疫後以最佳姿態，重出江湖。
一．調查顯示，香港近一半人疫中減少運動，由疫前每周約兩日，銳減至0.5日。久坐同久卧，都會令身體提早衰老，食幾多antioxidant都嘥曬。
二．唔少人在宅中，盡情吃喝、狂叫外賣，到疫情稍緩，又到外面報復式大擦。有數字顯示，港人今年平均重咗三公斤。大家要注重節制，希望疫後我仲認得你。
三．呢年大家留守家中，唔少人被迫獨處，如果你有時自己同自己講嘢，正常嘅。如果你同手機、心愛玩具、盆栽、甚至幅牆傾偈，都OK嘅。但如果你發覺以上物體開始回答你，咁你要嚟搵搵我喇！」
希望大家都心情開朗、身體強壯！
作者：黃美雲
黃美雲小姐(Ms. Amy Wong)有豐富公關廣告經驗，現為廣告公司合夥人，亦是Media Training及溝通技巧的培訓專才。
黃小姐研究玄學多年，並根據其豐富的商場經驗，融會形象包裝、掌相學、望診學、身體語言、溝通技巧、談判策略、危機管理等學問，編創了「極速性格解碼學」課程，為行政人員提供另類管理智慧。她先後為渣打銀行、香港中華煤氣有限公司、賽馬會等主持培訓課程。
曾以黃愛媚的筆名，在報章雜誌撰寫專欄，出版的書包括《公關十八般武藝》。
Related Articles:
【香港愛情故事】愛情被現實生活磨蝕！怎樣喚起昔日熱戀感覺？看這窩心泰國廣告！
【生命提升】4個生活技能，開展「轉化旅程」！今期食譜：三色杏鮑菇扒
【信守承諾】為何下屬會「食碗面反碗底」？或因為老闆先出爾反爾！
Follow us on facebook: https://www.facebook.com/etnet.com.hk/
etnet財經‧生活網(www.etnet.com.hk)提供全面及專業的財經新聞及資訊，包括為用戶提供免費實時股票及期貨報價、專家點評等。同時《生活副刊》頻道，涵蓋財智、管理、世事政情、健康養生、消閒購物及數碼科技等資訊，盡享健康樂活之道。於2014年更推出《DIVA 品味派》潮拜頻道，集五大品味內容及視頻專案於一站 - Fashion、Beauty & Love、Watch & Jewelry、 Art & Living及 Travel & Dining，日日更新，秒秒矚目。
