近水樓台先得「醫」 蔡思貝拍劇自肥 乘機啪頸針灸

蔡思貝與何廣沛為劇集跟中醫上堂學番兩道散手!
蔡思貝與何廣沛為劇集跟中醫上堂學番兩道散手!

視后蔡思貝因工作關係搞到身體五勞七傷,近日演中醫角色時,趁機向在場中醫顧問「謀福利」,啪頸加針灸治療作紓緩。她又指自己的中醫知識拉近與蔡母的距離,可謂一舉多得!

蔡思貝、何廣沛、游嘉欣、陳嘉慧及關嘉敏等昨午現身電視城,出席新劇《你好,我的大夫》開鏡拜神。劇集開拍前,思貝等主角曾跟中醫上堂學習針灸,何廣沛更打趣自稱是把脈高手。談到醫術問題,何廣沛透露:「我試過畀游嘉欣施針,真係好緊張,知道佢拮落嚟嗰吓眼有淚光,好似肉隨砧板上,好彩佢落針都好準確。」

思貝指拍攝期間有中醫顧問跟場,大家把握機會「謀福利」:「我之前撞傷過,成日都會有頭痛,拍劇期間曾經搵醫師啪吓條頸,後來放消夜又試過針灸。」談到今次拍攝,她坦言由於中醫的專有名詞繁多,背誦對白相當吃力,何廣沛則形容如記古文般。思貝又說:「其實我媽咪曾經學過中醫,不過只係初步,但依家我可以同佢喺呢方面多咗溝通,拉近咗大家嘅距離。」

Lincoln讚陳嘉慧好女仔

至於陳嘉慧與許俊豪(Lincoln)早前傳出緋聞,開鏡時難得大方合照,不過異口同聲繼續強調只是朋友關係。Lincoln大讚嘉慧是「好女仔」,但坦言:「都係工作先啦,以我嚟講好難得有機會拍劇,其實我哋見面都只係講工作多。」嘉慧則說:「之前我哋多次合作,好似《法言人》同《法政先鋒V》咁,係多咗見面機會。我哋之前合作唱歌,啲網民都好受落。」問到Lincoln是否她心目中「那杯茶」?她起初扮聽唔明,及後才答:「Super Tiger成員喎,應該好多人仰慕佢,我驚畀人鬧。(你做老虎乸加入吖?)都好喎!」

陳嘉慧與Lincoln談到緋聞時,一路講一路笑。
陳嘉慧與Lincoln談到緋聞時,一路講一路笑。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能