【逆市上車西半山】80後斜槓族的理財之道 Jerry.C謝利:別把錢放銀行

yui
·4 分鐘文章

曾經聽過一個說法,要判斷一份工作還適不適合你有3個主要因素:金錢、時間與快樂,有時金錢少一點快樂就要多一點,時間少一點金錢就要多一點,只有三者能夠取得平衡,才能夠維繫職業動力。不過在香港如此高壓的高競爭社會下,能取得完美平衡談何容易?隨著時代進步,工種、習慣已經變得多樣化,除了Freelancer自由工作者外,還有建立在這基礎上、近年越來越多人投身的「斜槓族Slasher」,即是擁有多重職業和身份的自由工作者。這些Slasher同時具備多種知識才幹,更重要的是他們都不在乎能否在某個範疇一所懸命,他們都是天生的投機分子,亦都有漂泊的能力,相信自身無限的可能性。

有危就有機

80後的Jerry.C謝利(陳國熙)曾經擔任全職旅遊節目主持,曾為香港兩大收費電視台主持節目,四年間足跡遍及全球六十個國家,超過六百個城市。不過今年疫情肆虐,長時間留在香港的Jerry擴張自己的事業,除了原先的司儀、主持和KOL身份,還成為了茶飲店、Studio、Production house、網店的老闆,甚至還開始管理Talent當上了經理人。在經濟衰弱和疫情影響下經營多盤生意,「遇著疫情對於做生意嘅人來講都係一個好大嘅挑戰,遊客少咗,消費意欲亦都減低。但唔可以因為疫情,生意少咗而感到好氣餒,反而更加係要諗下有咩方法可以令到生意好啲,或者令到多啲人知道你做緊啲咩。」Jerry表示,最直接的方法就是運用social media的平台作宣傳,因為疫情底下大家宅在家,將關注力都投放在電子產品上,是最好的宣傳時機,「特別係做生意,如果你係要等機會,或者等客人來購買你嘅嘢,我覺得呢個等待嘅過程都幾難捱,因為好被動。如果你能夠將呢個被動變為一個主動去出擊,呢個先係做生意嘅奮鬥精神。」

斜槓族的資格

擁有多重身份令Jerry可以發揮各方面的所長,「作為一個slasher我覺得最大成就感係,好多嘢都係你自己掌握喺手嘅,例如你起身嘅時間、工作嘅時間、瞓覺嘅時間,甚至你想請假又好、去旅行又好,都係自己掌握嘅」可以自己自由控制時間,但其實這也意味著slasher需要比起一般打工仔更加自律,Jerry表示自己依然堅持將工作日程記錄在schedule book,而不是用手機記錄,因為這樣才能看清楚自己一天整個工作流程,「唔好以為係做slasher就可以懶,其實好識分配時間,最理想係可以multi task,將時間效益最大化,我可以將24個鐘當成48個鐘咁用,時間就會更加好用。」不過談到成為slasher的品質,Jerry的答案可能出乎你意料,「我覺得成為slasher係需要對生活充滿正能量,你要好熱愛你自己做緊嘅嘢,甚至誇張啲咁講係要熱愛你自己。因為做一個slasher其實好似brand building,所以如果你唔鍾意自己,你好難將自己鍾意嘅嘢、諗法分享出去,並足以令對方信服。」

理財之道

經營多盤生意略有所成,Jerry去年憑自己之力成功逆市上車買入西半山新盤,原來他在理財上特別有心得。「第一個就係量入為出,你嗰個月搵到幾多錢,就真係要撥一筆資金,一半又好多過一半又好,起碼要話比自己聽嗰個月唔會亂使錢。如果能夠set到個目標就係你每個月能夠儲到一半嘅資金,咁其實你儲一年,儲多幾萬蚊或者六七萬蚊都唔成問題。第二個就係調整消費心態,購物之前要三思。第三個就係要有短期儲蓄計劃,儲到嘅錢唔好全部擺晒銀行, 例如一個5年嘅計劃、10年嘅計劃,咁市面上仲有啲產品,可以幫你將錢擺喺個戶口度好過擺喺銀行。始終儲錢喺銀行未必有好高嘅利息,或者回報未必有咁高,咁倒不如將啲錢分散投資,買下保險儲蓄計劃甚至係基金。」

 

 

更多相關文章:

【心理測驗】為何一直都是「月光族」?測測自己的理財盲點才能致富!

日本驚現「邪教」將新冠肺炎視作新世界之神 街頭呼籲:讓我們脫下口罩並微笑

2021要善待自己的心靈!Netflix《冥想指南》20分鐘教你冥想入門技巧


Follow she.com on Facebook & Instagram