透明系列又多一樣 今次係豉油!

19+

日本透明食品系列,上年玩到奶茶檸茶都好似水咁,

以為已經過咗氣?

仲有得玩!

 

當地一間有150年歷史嘅老店,就推出一支「透明豉油」。

 

畢竟將有色飲品整成透明,一定有唔少步驟,味道失真在所難免。

正如有飲過透明奶茶嘅網友就覺得冇茶味,

(我就覺得本身日式樽裝奶茶都係冇茶味,所以透明奶茶係保存到日式樽裝奶茶嘅味道),

呢支豉油會唔會變味?

 

店家就話會用返古法炮製,味道唔會變咁話!

 

日本人對透明飲料有需求,有個說法係因為喺辦公室飲水以外嘅飲品,

會被視為唔專業。

咁豉油又點解要「走色」呢?

我估原因係︰

 

1,可以令餸菜唔會變成啡色。好似蒸水蛋咁,本身黃澄澄咪幾好,

一加豉油即刻「毀容」,唔加又冇味。透明豉油就可以解決問題。

 

2,方便論盡友。有個理論係著白色衫嗰日,一定會被餸汁濺到。

豉油冇色,就可以打破呢個定律!

 

不過我估最多人買來……整蠱人!加咗料都睇唔出,真係冇得輸!

 

原post主喺大阪大丸梅田店買到,100毫升連稅賣499yen(約港幣35元),

少少貴,但係做手信一流!

原post傳送門

你可能還想看