連鎖米線食店|女食客夾「腩肉」大啖咬開 滿口煙草味驚覺為煙頭

·2 分鐘文章

米線與腩肉是許多打工仔喜愛的午餐配搭,本港有女食客光顧一間連鎖米線食店時,卻有嘔心經歷,她夾起「腩肉」大啖咬⋯⋯

有女食客於社交媒體的討論區發文,指透過外賣的手機應用程式,光顧一間連鎖米線食店(位置荃灣麗城)的外賣米線。進食期間並無異樣,「食到最尾以為仲有腩肉」,便夾起一塊白色物體,「一咬落去勁大浸煙草味,又好難咬⋯⋯」

餐廳辯稱廚房冇人食煙

她立即將異物吐出來,發現「竟然係煙頭!」米線湯加上煙頭放進口中,她直言「好嘔心好核突」,又指「疫情期間真係極度唔衛生(就算唔係疫情都勁核突)」。事件令她存有心理陰影,「漱口水用左幾次加刷牙,都仲係覺得好污糟」,只要一想起煙頭仍然感到嘔心。

她表示同日致電該分店投訴,得到的答覆是「個職員話廚房冇人食煙,可能係供應商問題」,但她認為煙頭在湯裡,餐廳定必有責任,故她已拍下煙頭以及外賣收據的照片,電郵向食環署投訴,她指事後有食環人員聯絡她,表示會派員到餐廳巡查。

事主親身到餐廳理論

事主為怕有人以無證據為由不處理事件,更帶同涉事米線及煙頭到餐廳親身理論,職員有拍低照片,但事隔一日,她表示餐廳並沒有進一步跟進,「至今仍未有任何書面或正式既道歉或解釋,只係派人打比我問我身體有冇事。」事主亦表示已向當區區議員投訴此事,希望得到餐廳一個合理回覆。

網友都非常同情事主,齊撐她一定要投訴到底,諷刺餐廳的食物是「腩肉米線煙草湯三小辣」。

網友分享更多誤食經歷

此外,有不少網友都分享曾在不同地方誤食到煙頭的嘔心經歷。有網友指「有次喺酒樓食排骨,以為係軟骨,原來係煙頭,咬咗嗰下真係好難頂!」,亦有曾在米線湯裡誤食煙頭的網友指,他向職員投訴時,「舉手同佢講佢話係竹笙」,並即時收走米線。除煙頭外,亦有網友分享在米線餐廳食到紙巾,都是令食客「反胃」的經歷。

圖片來源:事主分享 原帖

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能