連鎖米線食肆又有新搞作 譚仔姐姐組女團下周出新歌

·2 分鐘文章
譚仔姐姐組成「譚仔女聲合唱團」
譚仔姐姐組成「譚仔女聲合唱團」

連鎖米線食肆譚仔一向諗頭多多,繼早前嘅「譚仔姐姐2046未來制服設計比賽」虛擬時裝騷後,佢哋又有新搞作啦!佢哋搵嚟6位譚仔姐姐組成「譚仔女聲合唱團」,並破天荒由本地指揮家劉卓熙擔任監製,下周推出新歌。

譚仔為慶祝25週年,喺1300位員工中挑選6位譚仔姐姐組成「譚仔女聲合唱團」,成員包括粉嶺囍逸店店長玲玲姐(隊長)、天水圍天盛店副店長彩燕姐 (副隊長)、沙田偉華店店員英姐、油麻地店店員丹琪姐、馬鞍山頌安店店員妮妮姐及荃灣海之戀店店員家宜姐。

女團由劉卓熙擔任監製,好多人知道佢為本港優秀室樂合唱團 Die Konzertisten (DK)嘅駐團指揮,佢更經常為不同機構主講講座、音樂會導賞及工作坊。對於完全未接受過專業聲樂訓練嘅6位譚仔姐姐,今次由劉卓熙一手包辦女團,確實令人期待!

除此之外,連鎖米線食肆更喺發源地深水埗拍攝一輯相片,今次活動係聯同香港藝術中心、協康會、一班本地插畫師及攝影師以「廿五載情如初見」為題於香港藝術中心舉行相展《譚仔.姐.遮》及籌辦慈善義賣。大家可以喺本月11日至16日去到指定分店換購6款由6個本地插畫師羅浩光Bo Law、包川田Tweaty Bao、奶茶通俗學 崔氏兄弟、謝曬皮、賤人新世紀及Plastic Thing所創作嘅「譚仔遮遮」。

譚仔姐姐組成「譚仔女聲合唱團」
譚仔姐姐組成「譚仔女聲合唱團」
譚仔姐姐組成「譚仔女聲合唱團」
譚仔姐姐組成「譚仔女聲合唱團」
譚仔姐姐組成「譚仔女聲合唱團」
譚仔姐姐組成「譚仔女聲合唱團」
譚仔姐姐組成「譚仔女聲合唱團」
譚仔姐姐組成「譚仔女聲合唱團」
譚仔姐姐組成「譚仔女聲合唱團」
譚仔姐姐組成「譚仔女聲合唱團」

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能