遇上對的人 吳若希又晒命

東方日報
·1 分鐘文章
吳若希(中)找來「後生仔」GM及陳欣茵拍MV。
吳若希(中)找來「後生仔」GM及陳欣茵拍MV。

吳若希(Jinny)早前為無綫新劇《伙記辦大事》片尾曲《錯的一天》拍攝MV,演繹歌曲時令她勾起往事並笑說:「首歌係講錯嘅時間愛上對嘅人,我同老公相遇都係一個唔啱嘅時候,但佢的確係一個啱嘅人,如果係啱嘅人,所有問題都會解決到,一切只視乎自己嘅心態同取捨。」

MV中她以旁觀者角度看一個慘痛的愛情故事,並找來《#後生仔傾吓偈》的陳欣茵及曾展望(GM)客串演出,Jinny說:「我好似姐姐咁出現喺欣茵身邊,不過感情係兩個人嘅事,作為親人只有去支持同陪伴。」而陳欣茵表示劇情要她由頭喊到落尾,拍攝前做足準備,她開心導演收貨,也多謝Jinny給她演戲機會。