遇到心動對象 「折骨Ben」睇定啲 怕愛錯

東方日報
·2 分鐘文章
Ben憑「折骨舞」技驚四座,最終登上冠軍寶座。
Ben憑「折骨舞」技驚四座,最終登上冠軍寶座。

《全民造星III》冠軍、「折骨Ben」趙祥誠俘虜不少粉絲,雖然人氣未及其他組員,但勝出短短日子便瘋狂接廣告,成功賺得第一桶金!多位組員賽後成雙成對,他不諱言也有心動對象,但想多了解才開始。

趙祥誠(Ben)爆冷成為ViuTV選秀節目《全民造星III》冠軍,直言至今仍未能消化賽果,但會繼續做好自己,為獎勵自己艱苦了半年,賽後他瘋狂打機及相約組員聚會慶祝。

雖然暫未決定將來走甚麼路線,但他已接下多個廣告,包括雪糕、飲品、服裝、鞋墊及電競等,火速賺得第一桶金!他說:「會畀家人用,我唔使用好多錢,都係買衫同買Game,本身對錢冇咩概念,畀媽咪同讀商科嘅細佬管理,家姐就做經理人幫我處理工作。同埋我本身鍾意打機,入過打機榜頭200名,有人搵我直播打機,都有興趣。」

想玩另類音樂

談到出身富裕家庭,家住獨立屋,母親從商並與萬梓良以「兄妹」相稱,Ben對被起底感愕然:「會諗點解有人知,不過冇咩負面影響就算,媽咪冇乜嘢,都預咗,只係唔想畀人覺得我靠關係。其實媽咪冇講畀親友知我參賽,係報道出咗先知,呢樣我好開心,因為係自己努力嘅成果。」

問到想做演員還是歌手?他透露自小已想做演員,對恐怖片及英雄片情有獨鍾,期望有機會參與,但同時也想出歌:「點都要有自己作品,我想做嘅類型唔係主流,做外國興但香港未興嘅嘢,視Alan Walker、Travis Scott、The Weeknd為目標,因為香港冇呢種迷幻同電子嘅音樂。」

不少組員賽後成為情侶,問到有否拍拖?已單身2年的他大表無奈:「唔好提,依家唔好諗住,因為事業開始,專心工作先。我有心動對象,但想了解多啲先開始,驚錯,盡量唔影響大家事業為主,對象唔係組員嚟嘅。(圈中人?)唔係啦!」

Ben希望歌、影雙線發展,為香港演藝界帶來新元素。
Ben希望歌、影雙線發展,為香港演藝界帶來新元素。