雅虎香港新聞 Yahoo Travel HK
遊慕尼黑不可不知的3件事
德國作為歐洲入面最唔可以忽視嘅國家之一，好多亞洲人對佢嘅印象可能只係停留喺香腸同埋德國啤酒，或者係好難讀同好難聽得明嘅德文，不過如果你好想去德國旅行又未去過，不如花少少時間了解下德國更多嘅冷知識，為出發去德國做準備，今日小編就會同大家分享一啲未必好多人知但係又比較特別嘅嘢。
1.去慕尼黑一定要去？
好多人係選擇去德國旅行嘅時候，都會選擇去慕尼黑，如果你係想更加接觸到德國嘅傳統，就一定唔可以錯過位於慕尼黑嘅霍夫布魯克納，呢個地方每逢星期日四圍都可以見到數以百計的人群坐喺長長嘅木椅上面，享受德國嘅地道食物，當中梗係唔少得德國腸同埋椒鹽脆餅啦。
2.自攜食物入酒莊？
好多去過歐洲旅行嘅朋友都會覺得嗰邊嘅物價好貴，尤其係喺出街食嘢方面，不過一場嚟到冇理由唔飲下德國嘅啤酒，去酒莊感受下當地嘅氣氛架嘛？其實好多坐落喺城市附近嘅大型酒莊，都係容許入去嘅人攜帶食物嘅，不過最緊要都係事前問清楚。
3.德國啤酒純道法？
好多去過德國嘅朋友都話德國嘅啤酒真係好好飲，而且唔知點解係其它地方都飲唔番嗰隻味。其實係有得解釋嘅，因為係1487年德國啤酒純道法喺慕尼黑正式生效， 呢條法律規定咗啤酒入面只可以有啤酒花、大麥同水嘅成份，完全解釋到德國嘅啤酒點解咁香咁淳。
德國啤酒節每年都吸引好多遊客慕名而來。
慕尼黑係其中一個熱門旅遊城市。
德國啤酒純道法確保啤酒嘅香淳。
相關文章
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
